Teza e provimit të Maturës Shtetërore edhe këtë vit ka dalë jashtë institucioneve ku po zhvillohet testimi.

Teksa 33 mijë maturantë në të gjithë Shqipërinë janë duke iu nënshtruar provimit të gjuhës shqipe dhe letërsisë, duket se ata kanë bërë të mundur futjen e telefonave celularë në klasa, pavarësisht rregullave të ndjekura nga Ministria e Arsimit.

Skandali është publikuar nga deputeti i PD, Luçiano Boçi, i cili shkruan se, teza e maturës së Letërsisë përsëri del nga klasat, për shkak të paaftësisë dhe korrupsionit.

Reagimi i Luçiano Boçit

Nuk kishte si të ndodhte ndryshe!

Teza e maturës së Letërsisë përsëri del nga klasat, për shkak të paaftësisë dhe korrupsionit njëkohësisht, të atyre që janë përgjegjës.

Për të mos u bërë pjesë e kësaj katrahure mature, vetëm për fakt, po postoj një fletë të provimit.