Pollo: Pse një festival muzikor është më i dobishëm në Prishtinë se në Tiranë

Anëtari i Këshillit Kombëtar të PD, Genc Pollo ka reaguar në lidhje me transferimin e ‘Sunny Hill Festival’ në Tiranë nga Rama e Veliaj. Në postimin e tij në Facebook, Pollo shkruan se, një festival muzikor në Prishtinë do ta ndihmonte Kosovën e pastabilizuar dhe të dëmtuar shumë me Ballkanin e Hapur të iniciuar nga presidenti serb Vuçiç.

Postimi i Genc Pollos

Një festival muzikor në Prishtinë apo Tiranë nuk do të kishte shumë rëndësi.

Por një eveniment ndërkombëtar në Prishtinë është më i rëndësishëm e më i dobishëm në Prishtinë. Sepse direkt e indirekt kontribuon në Kosovën si subjekt ndërkombëtar, si shtet sovran e i pavarur.

Joshja e transferimi i #SunnyHillFestival në Tiranë nga Rama e Veliaj mund të kënaqë shumë fansa këtu e të mërzisë ata në Prishtinë.

Por Kosovën, ende të pastabilizuar krejt ndërkombëtarisht për shkak të Serbisë së Vuçiçit, e demton jo pak.

Mbasi e ka dëmtuar shumë me BallkanHapu! Tok me Vuçiçin!

Vazhdojnë në një linjë.

GP