HIGHLIGHTS/ Pikat kyçe në Tryezën e Berishës me avokatët

Kreu i Partisë Demokratike, Sali Berisha organizoi sot pasdite një tryezë diskutimi me avokatët për të biseduar mbi problematikat e sistemit të drejtësisë dhe hartën e re gjyqësore.

Këto janë disa prej pikave dhe ideve kyçe që dolën në bisedimin që zgjati rreth dy orë dhe u përqendrua te ajo që, nga shumë pjesëmarrës, u quajt ‘dështim i reformës në drejtësi’, dhe te harta e re gjyqësore që, sipas të pranishmëve, i heq qytetarit aksesin te institucionet për të cilat paguan taksat.

Sali Berisha
■ “Harta e re gjyqësore është në kundërshtim flagrant me parimet kushtetuese, ligjin për organizimin e drejtësisë dhe Konventën Europiane për të Drejtat e Njeriut. Kapaku që i vihet arkivolit në të cilin e mbylli reforma e drejtësisë, sistemin e drejtësisë në Shqipëri”.

■ Mbi 80% e të gjitha çështjeve që janë në Gjykatën e Lartë, mes biznesit dhe shtetit i fiton shteti, me kryegjykatës Sokol Sadushin. Së dyti, të gjitha çështjet me shtetin, administrative, i shqyrton kolegji administrativ që kryesohet po nga Sadushi. Së treti, të gjitha çështjet e doganave, të tatimeve, të naftës, kanë kryer të trupit gjykues po Sadushin e partisë. Së katërti, 95% e çështjeve të Kolegjit Administrativ bëhen në dhomë këshillimi, pa praninë e palëve dhe vetëm 5% bëhen me praninë e palëve”.

■ “Harta e drejtësisë ka një synim tjetër. Është pjesë integrale e platformës së spastrimit etnik të këtij vendi. Në doktrinat e shpopullimit dhe spastrimit etnik nuk është e para ekzekutimi masiv, jo, janë mërzitja masive, intimidimi masiv, shkatërrimi i shërbimeve. Këto janë parimet e para mbi të cilat bazohet doktrina e Çubrilloviç dhe çubrilloviçëve kudo që janë ndaj popullatave civile.”

Ylli Manjani, ish-ministër i Drejtësisë
■ “Drejtësia jonë është një sajesë me frymë bolshevike, fytyrë kineze dhe që flet anglisht. Reforma në drejtësi ka dështuar.”

Adriana Kalaja, Kryetarja e Komisionit të Apelimit – PD
■ “Janë mbi 100 mijë dosje stok që nuk dihet kur do shqyrtohen. Gjykata e Apelit Tiranë po shqyrton ende dosjet e vitit 2017 ndërsa shtoi se me hartën e re gjyqësore do të kemi zgjatje pafund të proceseve gjyqësore”.

Genc Gjokutaj, avokat
■ Greva duhet ndërprerë vetëm nëse pranohen kërkesat, minimumi të caktohet një datë, për të diskutuar, duhet kushtëzuar ndërprerja e grevës.

Lorval Petani, Kreu i Dhomës së Avokatisë Durrës
■ “Durrësit i shkrihen tre gjykata, Gjykata e Shkallës së Parë Kavajë, Gjykata e Shkallës së Parë Administrative dhe Gjykata e Apelit Durrës. Qyteti i Durrësit po zbrazet nga institucionet. Po i largohen gjykatat, kur qytetin e fuqizojmë nga zhvillimet, e zhveshim nga institucionet, pakësohen shërbimet. Kundërshtojmë këtë hartë, do sjellë shumë pasoja. I heq të drejtën qytetarit të ketë akses në drejtësi”.

About Redaksia

Check Also

Protestuesit shkojnë te Bashkia e Tiranës, përplasen me policët e Veliajt

Dhjetëra mijëra protestues që mbushën sot Bulevardin Dëshmorët e Kombit, në momentin e mbylljes së …

Leave a Reply