Promovim i librit “Kurrë mos harro”, gjenocidi serb mbi shqiptarët nga viti 1844 – 1999

“Kurrë mos harro”, gjenocidi serb mbi shqiptarët nga viti 1844 – 1999 është libri i cili promovohet në orën 11.00 në Hotel Tirana.

Bashkëautorë të këtij libri janë, anëtari i Bordit Ekzekutiv të Ligës Shqiptaro-Amerikane Agim Aliçkaj dhe Prof. Dr. Nusret Pllana.

Ky promovim vjen një muaj pasi Parlamenti shqiptar ngriti kartonin e kuq, i cili refuzoi njohjen e krimeve serbe në Kosovë, akt i cili u dënua nga kryetari i PD, Sali Berisha. Ai e quajti këtë, urdhër të Aleksandër Vuçiç.

Drejtori Ekzekutiv i Institutit të Studimeve të Europës Juglindore, Prof. Asoc. Dr. Enver Bytyci, organizator i promovimit shprehet: “Ky liber i Prof. Dr. Nusret Pllana dhe Asc. Agim Alickaj titullohet “Kurre mos harro”! Sepse pas harresës vjen lavazhi i trurit! Pas lavazhit të trurit njerëzit bëhen dele! E pas kësaj vjen skllavëria! Shtohet skamja dhe i varfëri i përulet maskarait! Ndërsa ky maskarai jo vetëm tallet me të, por edhe e poshtron atë! Nuk ka mjet më të mirë për ta nënshtruar dikë, sesa pranimi i harresës! Kujtesa është mbijetesa e shpirtit! Nëse një komb harron, atëherë vdes shpirti i kombit! Dhe nuk ka komb që të ketë humbur shpirtin e të ketë mbetur gjallë!”

Në promovim do të jetë i pranishëm edhe Kryetari i Partisë Demokratike, Sali Berisha.

ZYRA E SHTYPIT DHE KOMUNIKIMIT, PD