Gazeta RD
Nga Gent STRAZIMIRI
Ishin vërtetë SHUMË, si pak herë të tjera!
Gjithësesi, cilido që i sheh vetëm si numra, (veçanërisht kur paguhet për t’i përfaqësuar në betejë dhe pretendon se i përfaqëson ende), vetë, nuk është më as numër…
Cilido që i këshillon “të ndryshojnë mendje” se kështu “nuk ia dalin dot asnjëherë”, nuk ka kuptuar që t’i përfaqësosh do të thotë t’u kuptosh hallin, nevojën, aspiratën, t’i ndjesh si pjesë tënden e të ndjehesh pjesë e tyre…
Cilido që përpiqet t’i dekurajojë duke u treguar si pengesë a kërcënim dyer ambasadash, apo që u rekomandon ta kërkojnë lirinë e dinjitetin në rezidenca ambasadorësh, thjesht dëshmon se është i padenjë për t’i përfaqësuar si në halle, ashtu edhe në ëndrra…
Cilido që jeton në dilemën nëse liria e dinjiteti fitohet në betejë si ata, me ata, apo në pritje të një fjale të mirë nga një ambasador… bën mirë që ndjehet mish i huaj mes tyre!!!
Cilido që mendon se me ata e fiton davanë me “vendim gjyqi”, “procedura legale” apo gjyqtarë të qeverisë, ka dalë përballë tyre si Edi Rama, dhe bashkë me Edi Ramën është vetëdepozituar në magazinën e turpit, sepse ata kanë fituar që dje!!!
Kanë fituar jo thjeshtë sepse ishin SHUMË, por se NUK DORËZOHEN edhe kur gjithçka duket e kotë!!!
Cilido që dje nuk u frymëzua deri në fund të shpirtit nga stoiçizmi i tyre, por thjesht i pa si numra që janë realizuar edhe më parë, thjesht ka lënë peng diku, veç të tjerash, edhe shpirtin!!
Cilitdo që ka lënë peng shpirtin, nuk i bën më derman as Zoti, sepse Zoti është shpirt… si ata!
