Masakra në Fushë-Krujë, si u ekzekutuan dhe u dogjën në makinë tre persona

Tre persona u vrarë në një atentat në mbikalimin e Fushë-Krujës. Dyshohet se ishin 4 atentatorë të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.

Mësohet se vrasja e Brilant Martinaj, Diklen Vataj dhe Besmir Hoxhaj është bërë nga vrasës me pagesë.

Autorët dyshohet se kanë monitoruar prej ditësh viktimat dhe sot i kanë vrarë, dy duke u djegur brenda në makinë, ndërsa tjetrin të qëlluar me breshëri plumbash. Po ashtu policia dyshon se në atentatin e sotëm, tre persona kanë pasur rolin e qitësit dhe personi i karërt ka qenë shoferi i mjetit. Ndërkohë që dyshohet se një person i pestë ka sinjalizuar autorët për lëvizjet e viktimave.

Policia ka mësyrë në fshatin Larushkë, ku u gjet e djegur dhe makina e autorëve si dhe në Nikël, pasi dyshohet se autorët mund të jenë nga këto zona. Por ende nuk ka asnjë detaj që mund të çojë tek kapja e autorëve që deri më tani mendohet se ishin 4 persona.

Njëri ishte në timonin e mjetit Voklsvagen Passat, kurse tre të tjerët qëlluan me breshëri automatiku ndaj mjetit me të cilin po qarkullonin tre të rinjtë. 30-vjeçari Vata, i cili arriti të dilte nga makina, ishte i plagosur dhe dyshohet se u qëllua edhe nga afër nga autorët. Ndërsa Martinaj dhe Hoxha u shkrumbuan në automjetin që pas breshërisë së plumbave shpërtheu në flakë.