Gazeta RD
Rusia ka reaguar pas tensione të krijuara në Veri të Kosovës, mbrëmjen e 31 korrikut, disa orë para se të niste zbatimi i paralajmëruar i reciprocitetit, që u shty deri në shtator pas të shtënave me armë dhe sjelljes së dhunshme nga serbët. Rusia në reagimin e saj deklaron mbështetjen “e plotë për Serbinë” duke këmbëngulur se “të drejtat e serbëve duhet të respektohen”. Në një deklaratë, zëdhënësi i Kremlinit, Dmitry Peskov thotë:
“Ne qëndrojmë pranë serbëve që jetojnë në Kosovë. Ne besojmë se [kërkesat e autoriteteve të Kosovës] janë absolutisht të pabaza”, duke iu referuar përpjekjes së autoriteteve të Kosovës për të vendosur kufizime ndaj serbëve që hyjnë në territor dhe jetojnë në rajonin verior.
