Berisha: Dhunimi i votës e bën të pashpresë shoqërinë! Të çlirohemi nga ky regjim!

Kryetari i PD, Sali Berisha në një takim me mësues të arsimit parauniversitar deklaroi se regjimi i Edi Ramës përdor dy armë kundër qytetarëve shqiptarë, vjedhjen dhe mashtrimin. Berisha tha se, dhunimi i votës e bën të pashpresë shoqërinë.

“Gjithçka që ne numërojmë deri nesër në mëngjes, origjinën e ka tek dhunimi i votës së lirë. Sepse ajo e bën të pashpresë shoqërinë, ajo e pengon ndryshimin. Në historinë e demokracisë qeveritë kanë platforma të ndryshme. Atyre zgjedhësit u presin faturën sipas mendimeve, vlerësimeve që ato kanë, kurse kësaj qeverie që ka vendosur bandat, paratë e drogës, patronazhistët, kjo qeveri votën pothuajse e ka formalizuar. Ne dhe në diktaturë votonim çdo katër vjet, atëherë nga frika votonin për diktatorin, sot nuk ka rëndësi sepse e zgjidh ai me paratë e drogës, me patronazhistin.

Ne duhet të bëjmë gjithçka në një mision që të çlirohemi nga ky regjim i cili përdor dy armë kundër nesh, mashtrimin dhe vjedhjen. Do ju jap një shembull. Në vitin 2005-2013, duke zbritur inflacionin, rrogat e mësuesve janë rritur 107%, 130% shkonin bashkë me inflacionin. Janë ndërtuar 11 mijë km rrugë, janë rindërtuar në arsim 1300 objekte.

Buxheti i shtetit është identik me buxhetin e familjes. Për t’i realizuar të gjitha këto, ne morëm 4% të PBB. Ishte 58.2%, shkoi në 64.4%. Kanë marrë borxh mbi 40%. Borxhi ka kaluar nga 66% në 107%. Ku janë rrogat e mësuesve, të mjekëve, të infermierëve? Me këtë borxh, rrogat tuaja mund të rriteshin 3 herë”, tha Berisha.

About Redaksia

Check Also

Berisha i kujton Yuri Kim çfarë ndodhi në ’97: Një ambasadore u largua, por jo SHBA

Kryetari i PD, Berisha i kujtoi ambasadores Yuri Kim se nuk ka pasur asnjë ndërprerje …

Leave a Reply

Your email address will not be published.