Zgjedhjet brenda republikanëve, mbështetësja e Trump fiton me mbi 30% të votave ndaj kundërshtares së Trump

Votuesit në shtetin amerikan të Wyoming kanë rrëzuar kongresmenen Liz Cheney në zgjedhjet paraprake. Ajo është një zë i rrallë kritik mes republikanëve ndaj ish-presidentit Donald Trump.

Ajo humbi përballë rivales së sapoardhur në politikë, por kandidate e mbështetur nga Trump, Harriet Hageman.

Zonja Cheney, 56 vjeç, shkruan BBC, ishte një nga dy anëtarët e vetëm të partisë së saj që iu bashkua komitetit të Kongresit që hetonte përpjekjet e Donald Trump për t’u “mbajtur fort” pas pushtetit në Shtëpinë e Bardhë.

Kongresmenja e cila ka ezauruar deri tani tre mandate ishte dikur një “yll republikan” në ngjitje.

Të 10 republikanët që votuan për të fajësuar Trump pasi mbështetësit e tij sulmuan ndërtesën e Kapitolit të SHBA në janar të vitit të kaluar janë shënjestruar në një fushatë hakmarrjeje.

Deri më tani, katër kanë dalë në pension dhe katër janë mundur nga kandidatët e Trump të zgjedhur në votimet paraprake në shtetet e Uajomingut, Uashingtonit, Miçiganit dhe Karolinës së Jugut.

Vetëm dy kanë ruajtur me sukses vendet e tyre me ‘kartën’ e republikanit për rizgjedhje.
Vajza e ish-zëvendëspresidentit Dick Cheney, zonja Cheney ishte e fundit nga 10 republikanët që u përball me sulmin Trumpian, raporton BBC.

Sondazhet e opinionit kishin treguar vazhdimisht se zonja Hageman, e cila ka deklaruar se beson se zgjedhjet nga ku doli fitues Joe Biden, ishin “të manipuluara”, udhëhiqte në Wyoming me një diferencë të madhe.

Rezultatet e pjesshme në numërimin e votave të së martës mbrëma që tregonin Hageman përpara me më shumë se 30 pikë përqindjeje.

Në fjalimin e saj, Cheney bëri të qartë se nuk do të hiqte dorë nga kritikat e saj ndaj Trump, i cili ka lënë të kuptohet se mund të kandidojë përsëri për Shtëpinë e Bardhë në 2024.

“Unë kam thënë që nga trazirat e vitit të kaluar në Kapitol të SHBA-së, më 6 janar, se do të bëj gjithçka që është e nevojshme për të siguruar që Donald Trump të mos jetë më kurrë pranë Zyrës Ovale, dhe e kam parasysh këtë”, tha ajo.
Zonja Cheney tha se ajo mund të kishte fituar lehtësisht rizgjedhjen nëse do ishte renditur krah pretendimeve që ajo i quan të rreme të Donald Trump se ai – jo Presidenti Joe Biden – fitoi zgjedhjet e vitit 2020.

“Kjo ishte një rrugë që unë nuk mund dhe nuk do ta merrja,” tha ajo.

Trump e uroi Hageman për fitoren e saj në një postim në platformën e tij të mediave sociale, Truth Social.

Ai gjithashtu tha: “Liz Cheney duhet të ketë turp për veten, mënyrën se si veproi, dhe fjalët dhe veprimet e saj të neveritshme dhe të lavdishme ndaj të tjerëve. Tani ajo më në fund mund të zhduket në thellësitë e harresës politike, ku, jam i sigurt, do të jetë shumë më e lumtur se sa është tani.”

Zonja Hageman vlerësoi mbështetjen e Trump si arsyen e fitores së saj.
“Wyoming ka vënë në piedestal elitat,” tha ajo.

“Ne nuk do të tolerojmë më përfaqësues që nuk na përfaqësojnë.”

About Redaksia2

Check Also

Bullgarët rikthejnë si Kryeministër Borisovin, e djathta fiton zgjedhjet

Partia bullgare GERB e ish-kryeministrit Bojko Borisov duket se ka marrë një fitore të ngushtë …

Leave a Reply

Your email address will not be published.