Gazeta RD
Nga Flamur NOKA
Këtu gjejnë parajsën evazorët e huaj dhe investitorët “strategjikë” 20 e kusur vjeçarë pa historik punësimi. Këtu narkotrafikantit i thonë “biznesmen” dhe landfillit “incenerator”. Këtu kryeministri “socialist” i josh investitorët e huaj me mungesën e sindikatave.
Në vendin e saj Ndragheta fshihet ndërsa këtu ndërton kulla në qendër të kryeqytetit, pak metra nga Ministria e Brendshme.
Edi Rama nisi të qeverisë në 2013-n.
Fillimisht donte të sillte armë kimike, më pas plehrat e Europës dhe tani mafiozët e gjithë botës.
Do t’i bëjë shqiptarë, t’u japë pasaportë e shtetësi, që kur të hetohen për aktivitetet e tyre kriminale të thonë me mburrje se janë nga Shqipëria.
Nga “Proletarë të të gjitha vendeve, bashkohuni” kaluan në thirrjen “Mafiozë të të gjitha vendeve, bashkohuni”.
Rama po e kthen Shqipërinë në një strehë për llumin e botës, në një rezervat të madh të parave të pista.
Kjo nismë e çmendur duhet ndalur menjëherë, sepse cënon sigurinë tonë kombëtare dhe stimulon aktivitet të madh kriminal. Kështu kriminelët e vendeve joeuropiane do të mësyjnë në Zonën Shengen me pasaportë shqiptare. Me shumë gjasa vendi ynë do të penalizohej duke u rikthyer në regjimin e vizave.
Punuam shumë për t’i hequr vizat shqiptarëve dhe nuk do të lejojmë që Edi Rama apo sponsori i tij lobist ta bëjnë Shqipërinë një shtëpi publike!
Shqipëria në rrezik!
