Berisha merr pjesë në inaugurimin e Teqesë në Homesh të Bulqizës

Kryetari i PD, Sali Berisha, është ftuar sot të marrë pjesë, në inaugurimin e Teqesë në Homesh të Bulqizës ku të pranishëm janë përfaqësues të nderuar nga komunitetit bektashi dhe biznesmeni i mirënjohur shqiptar në Itali, z. Shpend Ndreu.

Teqeja në Homesh u përfundua falë vullnetit të mirë dhe dëshirës së donatorit Shpend Ndreu.

Znj. Dashurie Dema-Ndreu, e ëma e donatorit Shpend Ndreu, iu uroi mirëseardhjen të gjithëve dhe “të madhin Zot” që i dha forcën dhe zemrën e madhe të bamirësisë, djalit tim.

Nuk është ky i pari rast që djali im t’i bëjë mirë gjithkujt.

Jam krenare me ty, bir, me tri fëmijët e mi jam krenare që punojnë e jetojnë me djersën e ballit.

Kam një falënderim të veçantë për dy Baballarët që kanë ardhur për inagurimin e një teqeje që ka shkëlqyer në këtë fshat të bukur, fshat i vendlindjes ime.

Një falënderim të veçantë për Dr. Berishën, njeriu i fesë, njeriu i dijes dhe qofsh i nderuar që ke ardhur këtu mes nesh, ke marrë një rrugë të lodhshme e të mundimshme, por na ke nderuar. Ju falënderoj z. Berisha!

I falënderoj të gjithë ata që e kanë mbështetur djalin prej dy muajsh dhe ja që doli me sukses.

E gëzofshi teqenë, të gjithë ju, bashkëfshatarët e mi, dhe Zoti ju bekoftë të gjithëve”.

About Redaksia

Check Also

Shpërthejnë depozitat e ujit në shkollën 9-vjeçare që u rindërtua nga qeveria pas tërmetit

Kanë shpërthyer depozitat e ujit në shkollën 9-vjeçare ‘Vëllezërit Haradinaj’ në Durrës e cila u …

Leave a Reply

Your email address will not be published.