Revoltë e banorëve në Elbasan: Vëllai i kryetarit të PS na kërcënon, thotë do ju vras

Ditën e sotme, fermerët e fshatit Buqes kanë dalë në protestë para bashkisë pasi pretendojnë se kanali me të cilin vadisin të mbjellat është bllokuar nga një person. Një nga fermerët në protestë thotë për mediat se kjo problematikë vijon prej tre vitesh por pavarësisht ankesave të shumta në disa institucione nuk kanë gjetur zgjidhje.

“Inxhinieri i tokës që ka përgjegjësi të madhe pasi unë si individ kam një hektar tokë me qira. Ku mund të bazohem unë që do të marr shpenzimet e mia. Pse duhet të digjem unë kur nuk kam asnjë të ardhur tjetër përveç bujqësisë. Dëmi është shumë i madh. Nuk njomet toka me pompë pusi. Edhe për një person duhet të vije shteti jo 30 veta që jemi ne. Ka njerëz që ikin jashtë shtetit. Ne kemi marrë tokat me qira. Që të punësohemi. Ai ka mbyllur kanalin e shtetit dhe nuk është marrë asnjë masë. E ka lënë shteti vetë kanalin. Ne nuk duam t’i hyjmë në hak atij. Kemi tre vjet me këtë problem dhe bashkia nuk e ka zgjidhur. Kanë ardhur në terren por nuk vjen inxhinieri i tokës për ta hapur”, u shpreh ajo.

Një tjetër fermer shprehet se personi që u ka bllokuar kanalin vaditës është vëllai i kryetarit të Partisë Socialiste. Ata pretendojnë se kjo është arsyeja pse autoritetit nuk i kanë dhënë zgjidhje problemit të tyre.

“Ne jemi një grup fshatarësh të fshatit Buqes. Prej tre vitesh kemi problem me vaditjen e tokës që e na e ka bllokuar vëllai i kryetarit të Partisë Socialiste. Kemi denoncuar dhe ata kanë ardhur në terren për të bërë konstatimin. Kryetari i bashkisë u tregua i gatshëm. Na dërgoi ne kërkesën për ndryshimin. U mor vendimi i këshillit bashkiak i firmosur edhe nga prefekti. Gjithë verën kemi vaditur me pompa dhe kova me ujë. Kemi bërë gjithë ato denoncime. Nuk kanë bërë asgjë”, thotë fermeri.

“Para një jave unë kam 15 vjet që vuaj nga Halit Tafani. Ka nxjerrë një tubë në oborrin tim. Ai thotë nuk më kërcet fare çfarë thua ti. Ai u thotë fëmijëve do të vras. Edhe mua më ka kërcënuar. Para një jave është zënë me djalin. Polici i zonës i thotë çunit tim si merresh ti me një 60-vjeçar. Ne kemi bërë tre kërcënime se më thotë do të vras bashkë me fëmijët”, thotë fermerja tjetër.

About Redaksia

Check Also

Shpërthejnë depozitat e ujit në shkollën 9-vjeçare që u rindërtua nga qeveria pas tërmetit

Kanë shpërthyer depozitat e ujit në shkollën 9-vjeçare ‘Vëllezërit Haradinaj’ në Durrës e cila u …

Leave a Reply

Your email address will not be published.