50 mijë studentë më pak në 8 vite, Noka: Bashkohuni me PD që ta ndalim Ramën

Deputeti i PD, Flamur Noka ka vënë alarmin në prag të nisjes së vitit të ri akademik për përgjysmimin e nxënësve dhe studentëve në shkolla. “50 mijë studentë më pak në tetë vite”, shkruan Noka, që e konsideron këtë një katastrofë dhe sugjeron se ka një vetëm një rrugëzgjidhje.

Një përmbledhje të situatës, Noka, duke iu referuar largimit të intelektualëve vëren se “janë kryesisht të arsimuar ata që vendosën të largohen nga vendi i tyre për shkak të kushteve të këqija demokratike dhe ekonomike dhe cilësisë së ulët të jetës.

Duke iu referuar largimit të studentëve, konstaton se janë “50 mijë studentë më pak në 8 vite! Korrupsioni në arsim, ndërhyrjet politike në zgjedhjet e këshillave studentorë, në dekanate dhe rektorate, mungesa e sistemit të meritës, kontrolli i hyrjes në universitet nga Ministria e Arsimit, janë disa nga faktorët që kanë boshatisur auditorët”.

Duek parë nga investime në arsim, Noka nxjerr në pah se, “Shqipëria renditet në botë si një ndër vendet me investimet më të ulëta në arsim, të cilat kapin shifrën e 3.2% të PPB”.

Duke iu kthyer realitetit, tregon se “nëjavë nga fillimi i viti të ri shkollor, bashkitë e Gjirokastrës dhe Libohovës kanë shënuar numrin më të ulët të nxënësve që do të ulen për herë të parë në bankat e shkollës, si dhe të atyre që regjistrohen në klasën e dhjetë të shkollës së mesme.

Krahasuar vetëm me vitin e kaluar, numri i nxënësve është përgjysmuar. Moskrijimi i klasave sjell si pasojë daljen e mësuesve pa orë dhe reduktimin e klasave dhe shkollave, kryesisht në fshatra.

Qëndrimi i Ramës në pushtet është shkatërrimtar për Shqipërinë”, thotë ai dhe sheh vetëm një rrugëzgjidhje: “Ju bëj thirrje të bashkoheni me Partinë Demokratike për të ndalur së bashku katastrofën! Bashkojuni aksionit tonë politik në terren! Jepni kontributin tuaj për t’i dhënë vendit dhe të rinjve shpresë, një alternativë, një mundësi!”

About Redaksia

Check Also

Rikthehet në detyrë Nënkomisarja e Elbasanit

Rikthehet në detyrë si nënkomisare pranë sektorit të Krimit Ekonomik në drejtorinë e policisë së …

Leave a Reply

Your email address will not be published.