Gazeta RD
Kylian Mbappe ka folur sërish për vendimin e tij për të refuzuar Real Madridin. Sulmuesi francez ishte i lidhur ngushtë me një kalim në “Santiago Bernabeu” si futbollist i lirë në verën e këtij viti, por kjo nuk nodhi.
Mbappe vendosi të mbetet në “Parc des Princes”, duke vazhduar kontratën me kampionët e Francës deri më 30 qershor 2025.
23-vjeçari nga shumëkush u akuzua se këtë vendim e mori për shkak të parave. Mirëpo, Mbappe i ka hedhur poshtë këto akuza.
“Në çdo klub, kudo që të shkoj, do të marr para. Unë do të jem ai lloj lojtari në çdo klub”, tha ai.
“Nuk e kisha imagjinuar kurrë që do të flisja me presidentin e vendit për të ardhmen time, për vendimin e karrierës. Është diçka e çmendur, vërtetë e çmendur. Macron [Presidenti i Francës] më tha: ‘Unë dua që ti të qëndrosh. Nuk dua që të largohesh tani. Ti je kaq i rëndësishëm për vendin’”, shtoi Mbappe.
