Berisha: Koha që t’i themi Ramës boll vodhe, ik e shko para drejtësisë!

Kryetari i PD, Sali Berisha, gjatë takimit me intelektualët në Pukë dhe Fushë Arrëz ka thënë se, ka ardhur koha që ti themi boll vjedhjeve nga qeveria e Edi Ramës.

Sipas Berishës, Rama duhet të ikë nga pushteti dhe të dalë para drejtësisë për vjedhjet e qeverisë së tij, përndryshe ky dhe suita e tij do të vazhdojnë të vjedhin, të varfërojnë këtë popull çdo muaj e më shumë.

“Çmimet janë bërë një mekanizëm tjetër për të vjedhur qytetarët. Buka në Shqipëri u rrit më shumë se kudo tjetër, ishte statistika e fundit. Por shqiptarët për fatin e tyre, janë populli që konsumon buk më shumë se çdo komb tjetër në Europë. E them këtë, sepse ua vret xhepin.

Nafta në Mal të Zi kushton 800-900 lekë më lirë se në Shqipëri. Mali i Zi nuk nxjerr asnjë litër naftë, ne nxjerrim 1 milionë tonë në vit. Por pse, sepse ka caktuar bordet që vendosin çmimin që ju thotë Edi Rama. Duke rritur çmimin, ai rrit shumën që paguhet si taksë për litër. Dhe arriti të grumbullojë 400 milionë euro nga këto. Ku i çoi do thoni ju, 50 milionë dha për qytetarët.

Kurse Kosova me çmime 30 % më të ulëta caktoi 150 milionë për qytetarët. I dha çdo pensionisti dhe studenti nga 100 euro, çdo punonjësi në ndërmarrjet publike nga 100 euro. Kurse këtu jo.

Ka një injorim total të njerëzve, qytetarëve. Nëse ju e dëgjuar pardje në konferencë shtypi, fliste për djegësit e Tiranës. Të mbajnë përgjegjësi ata që nuk e kanë ndërtuar dhe vazhdonte drejtësia, drejtësia, drejtësia.

Shtrojmë bashkë një pyetje. Kush i caktoi, kush e kryeson KLP-në për prokurorinë. E kryeson kunati i ministres. Kështu me radhë, ata i kanë të gjitha këto institucione. Nuk ka një gykatës, prokuror që të ketë marrë një masë sepse nuk ka bërë një hetim. Asnjë njeri, ky tallet me qytetarët. Mendon se mund ti gënjejë në këtë mënyrë. Koha është ti themi boll vodhe, ik e shko para drejtësisë. Përndryshe ky dhe suita e tij do të vazhdojnë të vjedhin, të varfërojnë këtë popull çdo muaj e më shumë”, u shpreh Berisha.

 

About Redaksia

Check Also

Berisha i kujton Yuri Kim çfarë ndodhi në ’97: Një ambasadore u largua, por jo SHBA

Kryetari i PD, Berisha i kujtoi ambasadores Yuri Kim se nuk ka pasur asnjë ndërprerje …

Leave a Reply

Your email address will not be published.