Gazeta RD
Emri i Cirstiano Ronaldos po vazhdon të prodhojë lajme të pafundme për ftuesin e pesëfishtë të “Topit të Artë”, madje edhe pas gjithë atyre lajmeve dhe spekulimeve që qarkulluan gjatë gjithë verës kur afati kalimtar i futbollistëve ishte në proces.
Marrëdhëniet e Ronaldos me trajnerin Erik ten Hag kanë tërhequr vëmendjen e madhe të mediave evropiane, e në këtë fokus tashmë ka zënë edhe motra e yllit portugez, Elma Aveiro.
Ten Hag më në fund e aktivizoi si titullar Ronaldon në Premier League në sfidën përballë Newcastle, por trajneri holandez e largoi nga fusha e lojës në minutën e 72-të edhe pse Ronaldo bënte paraqitje të mirë.
Ten Hag për zëvendësimin e Ronaldos në sfidën përballë Neëcastle është kritikuar së tepërmi edhe nga tifozët e Manchester United.
Ndërsa, në rrjetet sociale, motra e portugezit ka krijuar edhe një herë polemika me postimin e saj dhe tani një largim i Ronaldos nga Manchester United është më pranë se kurrë.
Ajo e ka shpërndarë një lajm ku flitet për justifikimet e Ten Hag për zëvendësimin e Cristiano Ronaldos.
Elma ka lënë komentin e saj: “Është tepër vonë”, shoqëruar edhe me disa emoji që shprehin pakënaqësi të madhe për trajnerin holandez të “Djajve të Kuq”.
Kujtojmë se Erik ten Hag nuk e aktivizonte fare Ronaldon në derbin me Manchester Cityn, të cilin e humbën “Djajtë e Kuq” me rezultat 6-3. Holandezi pas ndeshjes tha se nuk deshi ta aktivizojë Ronaldon në shenjë respekti për karrierën e tij.
