Kryetari i PD, Sali Berisha ka publikuar videon ku shkohet se, policët e fusin të vdekur në furgon 32-vjeçarin Lear Kurti.
“Momenti tragjik kur ata që i morën shpirtin e transportojnë të vdekur Lear Kurtin, të cilin Rama- Çuçi e vranë për së dyti me kriminelin me uniformë, Ardi Veliu! sb”, shkruan Berisha
Siç duket edhe nga videoja, Policia ka qenë duke patrulluar në rrugë, ndërkohë më pas shfaqet i riu Lear Kurti, i cili po kalonte në rrugë me telefon në dorë, që siç duket po fliste me dikë. Pikërisht këtu lind kontradita e parë me njoftimin e Policisë pas ngjarjes. Kjo sepse u raportua që i riu ishte duke qëndruar para një biznesi në mënyrë të dyshimtë, kur në fakt ka qenë duke folur me celular me dikë dhe krejt i qetë.
Më pas, fushëpamja e kamerave të sigurisë ikën për pak dhe më pas shihet momenti kur dy policë njëri pas tjetrit fillojnë e ndjekin me vrap 32-vjeçarin. Ata e kanë ndjekur për 200 metra, deri në momentin që e kanë neutralizuar në rrugën e ‘Don Boskos’.
Ndërkohë del edhe momenti tjetër, ai kur Policia ka neutralizuar Kurtin, ku ky i fundit duket pa ndjenja dhe i shtrirë në tokë. Dy efektivët e ngrenë prej krahëve, por ai bie sërish.