Pedagogët paralajmëruan grevë urie, Rama i kërcënon: Do ua tregoj vendin…

Kryeministri Edi Rama reagoi sot teksa Sindikata e Pedagogëve ka paralajmëruar për grevë urie nëse nuk realizohen kërkesat e tyre nga qeveria.

Rama deklaroi në Qesarakë gjatë inaugurimit të një shkolle se “grevë urie për paga bëjnë vetëm njerëzit pa fe, pa flamur, pa din e pa iman”, duke vijuar sulmin ndaj kreut të Sindikatës së Pedagogëve, Sandër Kovaçi.

“Grevë urie për rroga bëjnë njerëzit pa fe, pa flamur, pa din e pa iman. Grevë urie për rroga nuk bëjnë prindërit e këtyre, të cilët me siguri shumica i kanë të ardhurat më pak se SHIK-si që urdhrat i merr nga foltorja e baltës, por nuk bën grevë urie.

Është institucion i lartë, për të cilin luftohet për të drejta themelore, aq më tepër në këto kushte rritjen më të madhe për rroga e kanë pasur pedagogët, nuk iu është rritur rroga 15% mësuesve, që janë bashkë me fëmijët këtu, edhe pse kanë punë më të vështirë se shumë prej atyre që mbajnë emrin e pedagogët. Si mundet një misionar i arsimit të deklarohet publikisht se nuk ia vlen të jesh pedagog? Ai s’mund të jetë më pedagog, por është autonomia, jo e drejta jonë t’ua tregojmë vendin”, tha Rama.

“SHIK-si do të futet në grevë urie për t’i shërbyer atyre të rublave ruse dhe jo atdheut. Më vjen mirë që ne sot jemi sot mund t’u themi 3 fëmijëve të Klodian Tonushit, që janë fëmijë të kësaj republike dhe se deri në fund të rrugëtimit të tyre para se të dalin në jetë, do jenë të mbështetur financiarisht nga shteti dhe në aspektin financiar, paga e babait do të vijë në shtëpi, jo një pagë e vetme, por më shumë për të 3 ata, që nëna e tyre të mos ketë stres dhe të ardhurat për shkollimin e tyre të jenë të ardhurat që babai i tyre do të donte të kishte”, tha Rama.

About Redaksia

Check Also

Berisha publikon videon: 110 vjetori i Pavarësisë nën monizmin e Ramës

Kryetari i Partisë Demokratike, Sali Berisha ka publikuar një video në rrjete sociale ku duken …

Leave a Reply

Your email address will not be published.