Asllan Dogjani shpall kandidaturën në primare për Bashkinë e Kamzës

Ish-deputeti Asllan Dogjani prezantoi kandidaturën në primare për Bashkinë e Kamzës. Nga foltorja e PD, Dogjani tha se, ka një plan për ta bërë Kamzën dhe Paskuqanin vend ku qytetarët të jetojnë me dinjitet. “Më 4 dhjetor merrni pjesë masivisht për të zgjedhur se kush do të jetë kandidati për kryetar të Bashkisë Kamëz”, tha ai.

Deklarata e plotë

Të dashur qytetarë të Kamzës dhe Paskuqanit

Të dashur demokratë e demokrate

Është nder për mua të jem pjesë e garës (paraprake) për Primaret e Partisë Demokratike dhe të shpall sot, zyrtarisht, kandidaturën time, për kryetarin e Bashkisë Kamëz, brenda Partisë Demokratike.

Qytetaret e Kamzës, Bathores, Laknasit, Valiasit, Paskuqanit kanë një histori të gjatë që nga koha kur erdhën dhe zunë vend në Kamëz dhe Paskuqan, pa pasur asgjë me vete dhe me shumë mund djersë e sakrifica ndërtuan jetët e tyre duke e bërë Kamzën një vend më të mirë për fëmijët e familjet e tyre.

Ashtu si motra ime dhe shumë nga familjarët dhe miqtë e mi erdhën për një jetë më të mirë në Bashkinë e Kamzës.

Demokratet, qytetarët e Kamzës dhe Paskuqanit janë njerzit më punëtorë që kam njohur, të përkushtuar, të zotë, të papërulur nga dhuna e diskriminimi që iu ka bërë kjo qeveri dhe unë kam qenë me shumë fat që i kam njohur ata.

Shumë herë kanë rënë, janë rrëzuar, por jane ringritur dhe më të fortë dhe kurrë nuk kanë ndaluar, kurrë nuk janë lodhur dhe gjithmonë kanë fituar përballë çdo vështirësi apo pengese që ju ka dalë përpara.

Sot në Kamëz jetojnë bashkë vendali, të ardhur nga Kukësi, Dibra, Mati, Puka, Tropoja, Hasi, Mirdita, Gramshi, Zallmneri, Librazhdi, Korça, Skrapari dhe nga e gjithë Shqipëria dhe ajo që është për tu marr shembull dhe përgëzuar është:

Se pavarësisht kulturave të ndryshme sot në Kamëz e Paskuqan kemi një komunitet të shkëlqyer që kanë marrëdhënie shumë të mira me njëri-tjetrin, kanë krijuar miqësi dhe i gjenden njeri tjetrit në kohë të mira dhe të vështira.

Unë vete kam lindur dhe jam rritur në Kukës dhe kam një lidhje për një kohë të gjatë me qytetarët e Kamzës dhe Paskuqanit, me një histori të gjatë shërbimesh individuale dhe me aktivitete politike.

Në zgjedhjet e vitit 2013, por dhe në zgjedhjet e vitit të kaluar, demokratët, qytetarët e Kamzës dhe Paskuqanit më besuan duke më votuar masivisht si kandidat i Partisë Demokratike për Kuvendin e Shqipërisë.

Kjo me ka inkurajuar dhe më ka nxitur që unë sot, të shpall zyrtarisht kandidaturen time për kryetar të Bashkisë Kamëz.

Vlerësimin që më kanë bërë me votë dëshiroj tj’ua kthej me punë duke ju afruar kohën dhe shërbimin tim në interes të çdo demokrati e qytetari të Kamzës dhe Paskuqanit.

Në Kamëz, Partia Demokratike ka punuar shumë, janë bërë rrugë, kanalizime, ujësjellësa, por ka akoma shumë për të bërë dhe kjo është arsyeja tjetër që unë kam vendosur të kandidoj për kryetar Bashkie të Kamzës, që ta bëjmë Kamzën dhe Paskuqanin një qytet europian, një qytet model, një shembull pozitiv, një qytet ku të vijnë e të marrin shembull se si punohet dhe ju shërbehet qytetarëve.

Vizioni im është për një qytet më të sigurt, të pastër, të zhvilluar ku ekonomia të rritet për të gjithë, ku fëmijët tanë të rriten të shëndetshëm dhe të suksesshëm në shkolla, ku familjet të mos kenë nevojë të rrezikojnë jetët e tyre (siç ndodh sot) për të shkuar në emigracion, por të jetojnë me respekt dhe dinjitet në vendin e tyre.

Vizioni im është qe me punë ta bëjmë Kamzën një qytet europian me mundësi e hapësira të barabarta për të gjithë, me parqe e lulishte, rruge me standarde e cilësi te lartë. Do krijoj një mjedis miqësor për biznesin dhe sipërmarrësit.

Do të bëj gjithçka, do të bëjë çmos duke u krijuar mundësira e hapësira të rinjve që janë larguar për t’u kthyer në vendin e tyre, të investojnë, dhe të krijojnë bizneset e tyre.

Do bëjmë çdo gjë që edhe shtëpia e fundit në Kamëz dhe Paskuqan të ketë ujë pa ndërprerje, rrugë e kanalizime. Nuk do të mbetet më asnjë shtëpi e pa legalizuar.

Të gjithë do të kenë të drejtë riparojnë shtëpitë e tyre pa qenë nevoja për te marr leje dhe jo siç ndodh sot që po nuk pagove nuk të lejojnë për të riparuar çatinë e shtëpis.

Do të bëj gjithçka për të krijuar mundësira, hapësira, të barabarta për çdo demokrat dhe demokrate, për çdo qytetar të Kamzës dhe Paskuqanit duke nxitur konkurrencën, meritokracinë, do luftojmë korrupsionin dhe do ndërtojmë një administratë të aftë, të përkushtuar dhe në shërbim të qytetarëve.

Do bëjë gjithçka që çdo demokrat e demokrate, çdo qytetar i Kamzës dhe Paskuqanit të jetoj i lirë në vendin e vet, të kenë të drejta të barabarta, pa frikën e shtetit dhe të pushtetit, të jetoj me dinjitet në vendin e tij, askush nuk do të diskriminohet apo dhunohet nga shteti apo pushtetit për shkak të origjinës, racës, krahinës fesë apo idesë.

Demokratë e demokrate, simpatizantë të Partisë Demokratike, në Kamëz dhe Paskuqan, ju bëj thirrje që me datën 4 dhjetor të merrni pjesë masivisht për të zgjedhur se kush do të jetë kandidati për kryetar të Bashkisë Kamëz.

Ju kërkoj që të më besoni me votën tuaj dhe ju siguroj së fitorja në Bashkinë e Kamzës do të jetë më e madhja së asnjëherë tjetër dhe se bashku mund dhe do ta largojmë dhe këtë qeveri që nuk e meriton të rrijë më as edhe një ditë në pushtet.

Ju siguroj se do të bëjmë më të mirën për ju dhe Bashkia Kamëz do të jetë shtëpia e çdo demokrati e demokrate, do të jetë e hapur për çdo qytetar të Kamzës dhe Paskuqanit.

About Redaksia

Check Also

Protesta, Berisha përshëndet liderët europianë: Garantojmë siguri të plotë miqve tanë

Kryetari i Partisë Demokratike, Sali Berisha e konsideroi si antikushtetues dhe të diktuar nga Edi Rama refuzimin e …

Leave a Reply

Your email address will not be published.