Maskat terror në Korçë, grabisin dyqanin nën kërcënimin e armëve

Katër persona të maskuar dhe të armatosur kanë grabitur një dyqan në Voskop të Korçës. Sipas burimeve të policisë, ngjarja ndodhi rreth orës 5:00 të mëngjesit, ku autorët kanë vjedhur një sasi lekësh që ndodheshin në arkën e dyqanit, pije alkoolike të shtrenjta dhe cigare.

Mësohet se autorët kanë thyer derën hyrëse dhe më pas kanë marrë marrë shumat e parave dhe produktet. Ata kanë përdorur send të fortë për të thyer xhamin e derës, në të cilin më pas hynë për të vjedhur. Ende nuk dihet vlera e produkteve te vjedhura dhe shuma e lekëve.

Gjithashtu pronari i dyqanit, Bledar Leska, ka thënë se kanë qenë katër persona.

“Kanë qenë 4 persona, kanë çarë derën me këmbë. Ata kanë qenë me maskë më duket dhe me armë, që mbase ka qenë lodër nuk e di, por duket në kamera. Kanë marrë sirtaret komplet me dokumentacionet e djalit dhe lekët që kanë qenë brenda. Kanë marrë komplet ç’kanë qenë paketat aty. Kanë marrë shishet e ëiskit dhe duket që e kanë monitoruar gjënë më parë që kanë hyr me dijeni”, ka thënë ai.

About Redaksia

Check Also

Afera e Portit të Durrësit/ Aktivistët shqiptarë letër presidentes së KE

Aktivistet shqiptare që jetojnë jashtë vendit, Erisa Bajaziti dhe Iva Grillo i kanë drejtuar një …

Leave a Reply

Your email address will not be published.