Botërori/ Irani mund Uellsin, 2 gola në minutat shtesë

Irani ka shënuar një fitore të madhe ndaj Uellsit me rezultat 2:0. Golat erdhën tek në minutat e fundit të ndeshjes, e që çmendi tifozët iranianë.

Fillimisht, në minutën e 16-të, Gholizadeh realizoi për Iranin, por pas shikimit nga VAR-i goli u anulua për pozitë jashtë loje.

Në pjesën e dytë, Irani pati iniciativën, madje duke e goditur dy herë shtyllën.

Momenti kyç i ndeshjes ishte në minutën e 86-të, kur portieri i Uellsit, Hennessey u ndëshkua me karton direkt të kuq, pas një ndërhyrje të ashpër.

Ky ishte njëherit kartoni i parë i kuq në këtë Kampionat Botëror.

Në fund të sfidës, Cheshmi realizoi një gol të bukur nga distanca në minutën e nëntë shtesë.

Dy minuta më pas, Rezaeian e dyfishoi epërsinë e Iranit.

Me këtë fitore, tani Irani ka tri pikë në vendin e dytë, kurse Uellsi mbetet i fundit me një pikë gjithsej.

About Redaksia

Check Also

Xhaka i shan serbët shqip

Ka ndodhur një përleshje në ndeshjen e Zvicrës përballë serbisë. Ishte minuta e 67-të e …

Leave a Reply

Your email address will not be published.