DEA: DEA agents in Detroit, Michigan Spike TV

DEA amerikane pas arrestimeve të zyrtarëve të Ramës te trafiku kokainës

Në Tiranë dhe Fier janë duke vijuar lëvizjet e policisë në kuadër të operacionit që çoi në zbulimin e një laboratori të përpunimit të køkainës në fshatin Frakull të Fierit. Burime të lapsi.al thanë se aksioni po koordinohet nga SPAK, policia shqiptare, DEA amerikane dhe policia malazeze.

Në vendin ku u zbulua laboratori kanë shkuar vetë efektivë të policisë malazeze. Kjo pasi një sasi e lëndës narkotike kishte hyrë nga porti i Tivarit. Droga u mbajt nën vëzhgim nga Mali i zi deri në Frakull të Fierit në Shqipëri. Sinjalizimi kishte ardhur më herët nga DEA.

Në shtëpinë e ish-kryeplakut, Viktor Çervanaku u gjetën rreth 200 thasë me pleh kimik. Dyshimet janë se mund të flitet për rreth 400 kg kokainë. Brenda tyre dushohet se fshihet kokainë e ardhur nga Kolumbia.

Në vendin e ngjarjes janë gjetur armë dhe municione. Bëhet fjalë për 2 kallashnikovë, një shotgun dhe një çifte. Ish-kryeplaku i fshatit Frakull, Viktor Çervanaku u ndalua në Tiranë pasi tashmë jeton edhe në kryeqytet.

Mes të arrestuarve janë edhe dy shtetas kolumbianë. Dyshohet se ata bënin përpunimin e kokainës. Deri tani jozyrtarisht flitet për rreth 15 të arrestuar. 4 nga këta janë ndaluar në Tiranë. Arrestime për këtë çështje ka edhe në Mal të Zi. Ata kanë qenë për gati 3 muaj nën vëzhgim nga policia.

Në operacion gjatë këtyre 3 muajve thuhet se kanë qenë të angazhuar mbi 60 oficerë të Policisë së Shtetit. Në vendin e ngjarjes kanë shkuar kamionë të policisë të cilët kanë bërë transportimin e thasëve nga Frakulla në Tiranë. Në kryeqytet ata do të analizohen për përbërjen e tyre.

About Redaksia

Check Also

Bashkëpunëtori i pa identifikuar i laboratorit të Xibrakës, si trafikonte kokainën me makinën e tij, denoncimi i Bardhit

Kreu i grupit parlamentar të PD Gazment Bardhi ka denoncuar sot në një deklaratë të …

Leave a Reply