Protesta e ditës së djeshme dëshmoi qytetarinë dhe dëshirën pro-Europës

Reagim i Partisë Demokratike Vlorë

Protesta e ditës së djeshme, historike në simboliken dhe qëllimin për të cilin u manifestua, dëshmoi qytetarinë dhe dëshirën e mirë pro-Europës, pro-Perëndimit. Një manifestim që u bë himni i shqiptarëve drejt Europës, drejt Bashkimit Europian.
Ajo protestë, ai manifestim, ai bashkim zemrash shqiptarësh nën moton e lirisë dhe demokracisë, u kthye në ngjarje historike për të gjithë ne, duke u bërë jehonë në të gjithë Europën, në të gjithë botën, si dëshmi e pa patjetërsueshme e shpirtit europian të çdo shqiptari, si e vetmja rrugë jona, e kombit tonë, e Shqipërisë.
Si manifestimi më i madh i demokracisë, i lirive dhe të drejtave, i ngritjes në piedestal të vlerave europiane e perëndimore. Veglat e regjimit të sektit Rama krijuan djallëzisht, njësoj si etrit e tyre , makinacionin kriminal, duke krijuar incidentin dhe krimin më të egër të këtyre viteve, duke vendosur atentator të veshur me pushtetin kriminal të sektit, për të goditur kreun e opozitës, ish-presidentin dhe ish-kryeministrin, kryetarin e Partisë Demokratike, tribunin e demokracisë, Doktor Sali Berishen. Trekëndeshi i krimit Rama-Çuçi-Veliu, me krimin e djeshëm, gjakosën simbolin tonë, simbolin e demokracisë.
Me fuqinë e shpirtit dënojmë këtë akt kriminal, këtë akt makabër. Trekëndëshi i krimit goditi dje të gjithë ne opozitarët, goditi demokracinë, liritë tona, simbolin tonë, duke dëshmuar njëherë e përgjithmonë krimin ndaj demokracisë, ata janë kriminelë dhe armiq të demokracisë.
Doktor Berisha, njeriu i vlerave më të larta morale, njeriu me karakter të fortë politik e njerëzor, tregoi qëndrueshmërinë më të lartë morale e politike, duke i rezistuar me fuqinë e shpirtit se mbetet i pandalshëm, i pamposhtur në rrugën e tij të drejtë të rikthimit të vlerave demokratike.
Krimi i djeshëm nuk e mposhti dot Doktor Berishën, për të u 100-fishua në forcë, forcë dhe vetëm forcë për të vazhduar rrugën e drejtë, rrugëtimin misionar, të pandalshëm.
Me Doktorin, me Partinë Demokratike, me të gjithë shqiptarët e lirë e të ndershëm, jemi energjia më e madhe për të ecur përpara, në misionin tonë të bekuar nga Zoti!