Gazeta RD
Një makinë e regjistruar në emër të institucionit të Ministrisë së Punëve të Jashtme, Olta Xhaçka, përdoret për çështje personale nga nëna e saj Natasha Xhaçka.
Nga vëzhgimi i bërë nga emisioni “Piranjat” Toyota me targa AA096PL, i regjistruar si mjet i institucionit të Ministrisë së Punëve të Jashtme, përdoret çdo ditë për lëvizur nëpër rrugët e Tiranës nga mamaja e ministres Xhaçka, Natasha Xhaçka.
Itinerari i mjetit të Ministrisë së Punëve të Jashtme është nga një rezidencë banimi drejt e në ish-bllok ku ndodhen dhe zyrat noteriale të zonjës Natasha Xhaçka.
Nga na tjetër Ministrja Xhaçka nuk është hera e parë që denoncohet dhe akuzohet për përdorim të mjeteve shtetërore për interesa personale.
Kujtojmë që gjatë vitit 2020-t kohë kur ministrja Xhaçka ishte Ministre e Mbrojtjes, përdori helikopterin e ushtrisë për të shkuar dhe për të bërë fushatë elektorale në Dibër.
Tashmë i mbetet në dorë të ministres Xhaçka të sqarojë opinionin publik se përse mamaja e saj lëviz me një mjet zyrtar në një kohë kur nuk e ka një funksion të tillë.
