Kandidati i PD për Bashkinë e Kamzës: Ky është viti i fundit i socialistëve në bashki

Të bashkuar, të gëzuar dhe në pritje të Viti të Ri ishin demokratët e Kamzës dhe Paskuqanit, vit i cili do të sjellë për ta kurorëzimin drejtë fitores së bashkisë dhe kthimin te qytetarët dhe jo të mbetet në duart e patronazhistëve, oligarkëve dhe njerëzve të cilët janë emigrantë në atë qytet, vetëm për ta vjelur shërbyer interesave të veta dhe jo për ti shërbyer.

Kandidati i bashkisë, Arjan Hoxha  i dalë nga Primaret e Partisë Demokratike ka shtruar një darkë ku u mblodhën më shumë se 400 persona nga strukturat e saj që u janë gjendur në periudhat më të vështira që ka kaluar kjo parti.

“Nje darke festive e fundvitit me strukturat e shkelqyera te Partise Demokratike te Kamzes e Paskuqanit. Ne ju urojme gezuar vitin e ri 2023, qofte nje vit i mbushur me arritje, harmoni e lumturi ne familjet e cdo demokrati e qytetari te Kamzes e Paskuqanit”, shkruan kandidati Arjan Hoxha.

Të palodhur në çdo protestë, në shi, diell, borë, breshër, e ku shumica prej tyre nuk e kanë provuar asnjëherë karrigen e pushtetit por vetëm dashuria dhe përkushtimi ndaj të drejtës dhe atdhedashurisë i ka bërë bashkë në një qëllim ta bëjmë Shqipërinë një vend më të mirë.

Ajo që ra në sy ishte optimizmi dhe entuziazmi i demokratëve për fitoren e padiskutueshme të  zgjedhjeve lokale në Kamëz me kandidatin, Arjan Hoxha si një djalë qyteti, të përkushtuar ndaj qytetarëve dhe të pa kompromistë me padrejtësinë, që për fatin e keq është kthyer në normë në Kamëz.

Hoxha ka arritur që përtej ndasive të garës të bëjë bashkë dhe kandidatët që garuan në Primaret e Kamzes duke bërë kështu që partia të jetë mëse e bashkuar në përballjen kundër makinerisë së korrupsionit, propagandës, krimit dhe patronazhistëve të Rakip Sulit.

About Redaksia

Check Also

Në dreq Ambasadorë memecë ndaj hajdutërisë mafioze

Ne dreq Ambasadoret memecë ndaj hajdurise mafioze te pandeshkuar te Rames e Veliajt dhe llafane …

Leave a Reply