Merrte nga 90 mijë euro ryshfet,Viola ishte patronazhiste e PS

Në dosjen e prokurorisë që çoi në arrestimin e Viola Sterjos bien në sy shumat e mëdha të parave që dyshohet se qytetarët ia kishin dhënë si ryshfet.

Në një rast, Sterjo i kishte marrë një qytetari nga Korça 57 mijë euro dhe 10 milion lekë me premtimin se ai do të përfitonte grante nga AZHBR, për ndërtimin e një hoteli në Voskojë. Një tjetri, me të njëjtin premtim i kishte marrë 27 mijë euro. Dikujt tjetër 90 mijë euro dhe një tjetri 160 mijë euro.

Të gjithëve u ishin premtuar fonde nga 1 ose 2 milion euro nga Agjensia për Zhvillim Bujqësor dhe Rural. Por çfarë i bindi qytetarët e Korçës t’i japin Viola Sterjos kursimet e tyre?

Sekreti qëndron në njohjet që 39-vjeçarja kishte në Tiranë, lidhjet e krijuara në Partinë Socialiste dhe karrierën në administratën shtetërore.

Sot në media qarkulloi një foto e Viola Sterjos së bashku me Erjon Veliajn. “Me Violën e mirë” është diçitura me të cilën kryebashkiaku i Tiranës e shoqëron selfien, ku të dy shfaqen duke qeshur.

Dyshohet se u grabiti qytetarëve qindra mijëra euro si ryshfet
Erion Veliaj dhe Viola Sterjo
Viola Sterjo është një prej patronazhistëve të Partisë Socialiste, që u drejtuan nga Erjon Veliaj.

Dyshohet se u grabiti qytetarëve qindra mijëra euro si ryshfet
Viola Sterjo si patronazhiste
Sa i përket karrierës në administratë, Sterjo ka punuar në Bashkinë e Tiranës, si drejtoreshë e Mjedisit. Ka qenë drejtoreshë në Ministrinë e Turizmit dhe të Mjedisit dhe për momentin ishte drejtoreshë ne Agjensinë Kombëtare të Shoqërisë së Informacionit.

Është e paqartë lidhja e saj me Agjensinë për Zhvillim Bujqësor dhe Rural, por nga pozicionet drejtuese në administratë dhe njohjet në Partinë Socialiste skema e përfitimit të ryshfetit i ka funksionuar më së miri.

Në 12 Dhjetor, një prej qytetarëve që kishte paguar ryshfet, por që nuk rezultonte si aplikant në AZHBR iu drejtua policisë së Korçës për të bërë denoncim.

Kaluan pak ditë dhe të tjera denoncime mbërritën në prokurori për drejtoreshën e Rilindjes. Me kalimin e ditëve ajo e gjeti veten nën çarkun e mashtrimeve të veta. Madje kur një një qytetar i kishte kërkuar 90 mijë eurot që ia kishte dhënë ryshfet, Sterjo ishte detyruar të nënshkruante një kontratë noteriale, ku i njihte detyrimin dhe angazhohej t’ia kthente paratë brenda 6 muajsh. Në rast të kundërt i linte si garanci banesën e vjehrrit.

Viola Sterjo nuk është e para patronazhiste që përfshihet në veprimtari të paligjshme. Një patronazhist i famshëm i PS ka qenë edhe Mehmet Greca, personi që u kap me euro, karta identiteti dhe lista pak ditë para zgjedhjeve të 25 Prillit nga vullnetarët e Partisë Demokratike, në vendin ku u vra Pjerin Xhuvani.

Një tjetër patronazhist i arrestuar është zjarrfikësi Ndriçim Harka, që drejtonte një grup të trafikut të kokainës në Gjermani. Partia Socialiste i kishte besuar Ndriçim Harkës vëzhgimin, monitorimin dhe përgjimin e 67 banorëve të Tiranës.

About Redaksia

Check Also

Afera “5D”/ Këlliçi: Prokurori Braho po kursen kreun e organizatës kriminale Erion Veliaj!

DEKLARATA E ANËTARIT TË KRYESISË SË PD, BELIND KËLLIÇI: Të nderuar qytetarë, Po bëhen tashmë …

Leave a Reply