Gazeta RD
Ambasadorja amerikane në Tiranë, Yuri Kim u shfaq shumë aktive në skenën politike të vendit këto orët e fundit. Ajo jo vetëm takoi disa drejtues të politikës, por bëri edhe një deklaratë ku u duk se ‘lau duart’ me nismën e Ballkanit të Hapur, të cilën e pati mbështetur edhe pse ajo thelloi ndarjet në rajon. Kim tha se mbështesim Procesin e Berlinit, ndërsa shtoi se e kishin mbështetur Ballkanin e Hapur pasi gjërat nuk po lëviznin.
“Ne jemi mbështetës të fortë të Procesit të Berlinit, dhe gjatë kohës kur Procesi i Berlinit nuk po lëvizte, ishim mbështetës të fortë të Ballkanit të Hapur. Ne mendojmë se zhvillimet pozitive do të krijojnë më shumë prosperitet për rajonin e Ballkanit. Vende të tjera në rajon duhet të ndjekin shembullin që ka vendosur Shqipëria, i cili është i qartë për të refuzuar përpjekjet ruse për të infiltruar në politikën e brendshme”, tha Yuri Kim, e cila mbështeti projektin e Ramës dhe Aleksandër Vuçiç atëherë kur iu duhej atyre politikisht.
Kim u takua sot me Damian Gjiknurin, e akuzuar si person kyç i aferës së McGonigal në Shqipëri dhe më pas me Enkelejd Alibeajn, të cilin e ndihmoi të merrte vulën e PD-së, edhe pse nuk ka mbështetës pas vetes.
