Boçi: Pse në Elbasan, në traditën e Ditës së Verës, nuk flitet veçse për gjëra të gëzuara…

Në prag të Ditës së Verës, 14 marsit, kandidati i opozitës për bashkinë e Elbasanit, deputeti i PD, Luçiano Boçi sheh me trishtim, varfërinë që mbizotëron në këtë qytet. Ai akuzon drejtpërsëdrejti Qeverinë Rama për mungesën e plotë të vizionit për zhvillimin e njerit prej qyteteve më të mëdha të vendit.

“Kushdo që e njeh Elbasanin dhe traditën e Ditës së Verës, e di që në këtë ditë tek ne nuk flitet veçse për gjëra të gëzuara. Optimizmi shkruan horizontin e botës dhe të njeriut. Por sot dua ta them atë që më dhemb e më trishton për bashkëqytetarët e mi. I shoh dhe i dëgjoj kur më thonë për pamundësinë që kanë për të gëzuar siç duhet.

Çmimet e çdo gjëje në Elbasan janë jashtëzakonisht të larta. Festa mund të bëjë ende kuptim për fëmijët. Por për prindërit e tyre, për dëshirën e madhe të elbasanasve për ta shtruar begatshëm tryezën e mikpritjes, për zemrën e madhe të Elbasanit – këto kosto jetese janë absolutisht të papërballueshme.

E gjitha lidhet me mungesën e punës. Pa punë s’mund të ketë perspektivë dhe zhvillim.  Elbasani i ka të gjitha mundësitë dhe resurset edhe për shkak të vendodhjes gjeografike që të krijojë dhe mundësojë hapësira të panumërta punësimi. Është e gjitha çështje vizioni! Elbasani meriton të ketë festë! Elbasanin e presin ditë shumë më të mira!”, shprehet Boçi.

Në vijim, ai ka shtuar dy pamje të tregut bosh të qytetit.

About Redaksia

Check Also

Energjia elektrike, mbi 110 milion euro humbje në vit

Gjatë vitit 2023, pavarësisht rritjes ekonomike të supozuar, konsumi energjetik i vendit pësoi një rënie …

Leave a Reply