Gazeta RD
Deputeti i Partisë Demokratike, Luçiano Boçi deklaroi se, raporti i DASH për Shqipërinë është më i rëndi ndërsa Edi Rama vazhdon sulmin ndaj medias së lirë. Ai u shpreh se, situata është ajo që pasqyron raporti i DASH dhe s’keni ku fshiheni.
“Keni kapur sistemin e drejtësisë. Situata është ajo që pasqyron ky raport i DASH dhe s’keni ku fshiheni. Kërkersa jonë për mocion me debat niset nga fakti se raporti i DASH është një nga më të rëndët për situatën në Shqipëri. Si kësaj here rëndesa nuk ka qenë kurrë sepse tregon qartazi rrëshqitjen e Shqipërisë drejt një autokracie idiote. Flitet për lirinë e medias dhe kapjen e reformës në drejtësi. Situata është ajo që pasqyron ky raport.
Dje shqiptarët kanë parë edhe një shfaqje absurd bllokimi dhe luftën që Rama vazhdon ndaj medias së lirë. Bllokimi i resortit është vazhdim i luftës ndaj medias së lirë. Është një program i mirëdetajuar për eliminimin e medias dhe opozitës dhe largimin e zërae të lirë. E vetmja dritare e lirë e medias sot janë rrjetet sociale. Më shqetësuese janë gjendja e drejtësisë, gjendja e korrupsionit e lidhur ngushtë me inceneratoroët. Raporti përcakton që qeveria ka grabitur para nga inceneratorët.
Duke qenë se unë vij nga Elbasani, ka qenë akti i parë korruptiv më i madh dhe u ndoq nga Tirana dhe Fieri. Sot asnjëri prej tyre nuk punon. Kemi dëshmuar dhe kemi vërtetuar që teknologjia e përdorur atje është një teknologji e vjetër dhe vdekjeprurëse. Elementi kryesor i incenratorit janë hiret sipas të gjitha manualeve, duhet të futen në tankera hermetikë dhe të transportohen larg vendit të djegies”, u shpreh Boçi.
