Gazeta RD
Partia Demokratike i cilësoi farsë zgjedhjet që Edi Rama bëri në Vlorë, ku anëtarësia votoi mes dy emrave për kryetar bashkie, atë të Fate Velajt dhe Ermal Dredha, ku ky i fundit u shpall dhe fitues.
Sipas Partisë Demokratike në Vlorë, Ermal Dredha është kandidat anonim, i sjellë nga shkretëtirat arabe. Këto deklarata i bëri Rezenbrik Serjani, Sekretar për Transparencën në PD VLorë.
Deklaratë e Partisë Demokratike Vlorë
Dje, vetë Ai, Lideri global, kryetari i sektit, Ai që di gjithçka, Ai që është çdo gjë, Ai që bën drejtorin, kryetarin e bashkisë, ministrin, kryeministrin, nëpunësin, komunalin e bahçevanin, e lloj e soj gjërash për të mbajtur me dorë të hekurt pushtetin e korrupsionit, ishte në Vlorë.
Në sallën e teatrit “Petro Marko”, i cili ishte vendosur, që pas rikonstruksionit të mos jepej për evente apo organizime politike, vetë kryetari i sektit Rama, bashkë me shpurën e tij servile, aktroi keq shfaqen më të shëmtuar të qytetit. Bëri sikur votoi kandidatin për kryetar bashkie të Vlorës.
Akti i djeshem, skenari i regjisorit Rama, e kryeaktorit, ishte hedhja në votim e dy emrave, ku njeri prej tyre do të duhej të dilte kandidati i sektit në Vlorë.
Përveç se një farse, përveç se një gënjeshtër e madhe, përveç se një shëmtim i shenjtërisë së votës, përveç se një pseudovotim, ajo e djeshmja nuk ishte asgjë tjetër.
Piktori i dështuar Rama, me aktin e djeshëm, me aktrimin e tij, bëri thjesht një karikaturë të votës dhe demokracisë.
Kujtojmë se për sektin fjala votë është koncept i panjohur, sepse vota sipas tij është Ai vetë, është Ai që voton, Ai që ul e ngre emra e mbiemra në çdo nivel kandidimi apo në post drejtimi.
Është Ai që ka deformuar demokracinë, pluralizmin dhe votimin e lirë, sepse në konceptin e tij autokrat Vota nuk ka vlerë. Rama vetem dikton. Rama vetëm sundon. Ai vetëm komandon !
Ditën e djeshme për Vlorën dhe vlonjatët, por edhe për të majtët e socialistët e ndershem, që Rama dhe deformimet e tij i kanë lënë gardheve, u performua një akt i shëmtuar, mesazhi i të cilës tregoi qartazi se mendja e sëmurë e psiqike e sektit Rama nuk njeh asnjë princip demokracie, Ai njeh vetëm veten në pasqyrë !
Askush nuk u zgjodh dje me votë, ajo e djeshmja tregoi se një tjetër pako kandidimi na erdhi nga larg për Vlorën, kësaj radhe na erdhi nga shkretëtira e largët arabe , pasi sipas tij vetëm vlonjatët që gëdhihen e ngrysen në këtë qytet nuk mund ta drejtojnë atë, sepse ai e urren këtë qytet dhe qytetarët e tij.
Rama për këtë qytet kandidon njerëz e emra që t’i kontrollojë vet, sepse ai do t’i bëjë të gjitha, sepse ndoshta ka qenë një shlyerje borxhi e dikujt ndaj dikujt.
Pakua e kandidimit që erdhi dje në Vlorë, një emër që nuk e njeh as partia e tij, përveç se e kanë parë në foto instagrami e facebuku, nuk kanë qoftë edhe një kontakt me të.
Pakua e djeshme, në fakt nuk ishte një surprizë, pasi emrin e tij e kishte prej kohësh në xhep, duke e nxjerrë si prestigjator cirku.
Ështe një njeri-pako që hallet e Vlorës nuk i njeh por akoma më shumë Vlora nuk e njeh atë.
I kujtojmë kryetarit të sektit, kryeaktorit,kryeregjisorit, Rama se Pakon që solli dje për Vlorën do e marri mbrapsht në 14 maj!
