Në fshatin e Gjiknurit legalizimet bëhen te zyra e deputetit të PS

Banorët e fshatit Kudhës në Himarë janë lajmëruar nga kryetari i fshatit që nëse duan të legalizojnë shtëpitë e banimit, t’i dorëzojnë aplikimet pranë zyrës së deputetit të PS-së, Vullnet Sinaj dhe jo në zyrën e Kadastrës së Bashkisë Himarë, siç e parashikon ligji për legalizimin e pasurive të paluajtshme.

Përmes një lajmërimi me shkrim dore të kryetarit të fshatit, bëhet e ditur se zyra është e hapur dy ditë të javës, ndërsa për banorët që nuk ndodhen në fshat aplikimet do të bëhen në një fazë tjetër. Kryetari i fshatit lë në shkresë edhe numrin e telefonit për të dhënë sqarime.

Kudhësi është fshati i orgjinës së sekretarit të përgjithshëm të PS-së, Damian Gjiknuri, njeriu i dytë më i rëndësishëm në partinë qeverisëse, pas Edi Ramës.

Legalizimi i pronave ka qenë gangrenë prej dekadash në Shqipëri dhe Edi Rama premtoi se do ta mbyllte këtë proces brenda mandatit të parë qeverisë 2013-2017, por edhe pas 6 vitesh shumë pasuri ende nuk janë legalizuar, duke u përdorur si oferta elektorale në këmbim të votave./TPZ

Lajmërimi për banorët e Kudhësit

Të gjithë banorët e fshatit që duan të legalizojnë shtëpitë e banimit të paraqiten pranë zyrës së deputetit të Partisë Socialiste në Himarë z.Vullnet Sinaj për të bërë aplikimet.

Ju njoftojmë se zyra është e hapur çdo ditë të hënë dhe të premte.

Për banorët që nuk ndodhen këtu aplikimet do të bëhen në një fazë të dytë.

Për sqarime të tjera kontaktoni në numrin e telefonit 0685038868.

Kryesia e fshatit Kudhës

Kryetari Agron Velço

About Redaksia

Check Also

Investigimi/ Trafik kokaine me taksitë në Tiranë, pamje e prova, por policia hesht

Me shprehjen “e dinim” që nën zë e qarkullojnë këto ditë ata që duhet të …

Leave a Reply