Igli Cara: Dëshira dhe energjia pozitive për ndryshimin e Durrësit ndihet kudo!

Kandidati i koalicionit “Bashkë Fitojmë” për Bashkinë e Durrësit, Igli Cara, ka vijuar takimet e tij me banorët e qytetit. Ai shprehet se dëshira dhe energjia pozitive për ndryshimin ndjehet kudo.

Ndërsa shton se programi i tij përmban projekte të dedikuara për çdo njësi administrative të cilat do të mbulojnë çdo sektor. “Dëshirë për ndryshim, energji pozitive, besim, shpresë! Bashkë për Durrësin, për familjen, për të ardhmen! Qyteti je ti!”, shkruan Cara.

Kandidati i koalicionit “Bashkë Fitojmë” për Bashkinë e Durrësit, Igli Cara vijoi takimet me banorët e zonave të ndryshme të qytetit. Cara thekson se nga qytetarët ka një “dëshirë për ndryshim, energji pozitive, besim, shpresë! “Bashkë për Durrësin, për familjen, për të ardhmen! Qyteti je ti”, shkruan Cara në “Facebook”. Ndërkohë, gjatë një takimi me banorët e Katundit të Ri, Cara ka theksuar se ndryshimi është domosdoshmëri.

“Në Katundin e Ri, ndryshimi është domosdoshmëri, si kudo në Durrës. Problematikat e shumta dhe mungesa e investimeve e kanë reduktuar ndjeshëm numrin e banorëve. Bashkë do ta ndryshojmë këtë realitet! Rikthimi i shërbimeve në zonë është hapi i parë konkret, për këto familje, që do të shoqërohet me investime në infrastrukturë dhe mbështetje për fermerët. Projekte të dedikuara për çdo njësi administrative, që do të përfshijnë çdo sektor. Më 14 maj, bashkë për ndryshim! Qyteti je ti!”, shkruan Igli Cara.

Kandidati i “Bashkë Fitojmë” për Durrësin, Igli Cara, apelon durrsakët se më 14 maj është shansi për të ndëshkuar me votë arrogancën qeverisëse. Ai shprehet se banorët e Durrësit prej vitesh po shpërfillen nga qeveria, dhe me votën e tyre në zgjedhjet lokale kanë mundësinë për të “për të refuzuar mashtrimet dhe manipulimet me investime elektorale që revoltojnë çdo njeri të ndershëm”.

Kandidati i koalicionit “Bashkë Fitojmë” për Bashkinë e Durrësit, Igli Cara, shprehet se institucioni i bashkisë ka qenë një derë e mbyllur për qytetarët dhe është trajtuar si pronë e ishkryebashkiakut Vangjush Dako dhe kryebashkiakes aktuale, Emirjana Sako. Më herët, i ftuar në emisionin “Kjo Javë” në “News 24”, ai deklaroi se në Durrës nuk është përmbyllur as 50 % e procesit të rindërtimit.

About Redaksia

Check Also

Absurdi me 2 TEC-et lundruese në Vlorë! Qeraja 3-fish më e lartë se blerja

Dy termocentralet lundruese që janë vendosur në zonën e Triportit në Vlorë, jo vetëm që …

Leave a Reply