Messi në Arabinë Saudite, babai i tij pranon ofertën rekord të Al-Hilal

Babai dhe njëkohësisht menaxheri i Lionel Messit, Jorge, raportohet se ka pranuar një ofertë të jashtëzakonshme prej 1,2 miliard eurove nga Al-Hilal.

Në fakt, ylli argjentinas do ta merrte këtë shumë në Arabinë Saudite për dy sezone, që i bie se kampioni i botës do të paguhej plot 600 milionë euro në vit, një rrogë kjo stratosferike.

Lajmin e ka bërë të ditur mediumi francez “Foot Mercato”. Kjo shifër do të ishte sa tri herë rroga e Cristiano Ronaldos, i cili thuhet se në Al-Nassr paguhet 200 milionë euro në vit.

Edhe pse raportohet se preferencë e Messit është rikthimi në Barcelonë, por limitet financiare të gjigantit katalunas mund ta detyrojnë atë që të mos i presë më “Blaugrana” dhe ta pranojë ofertën e parefuzueshme dhe të parezistueshme që i ka ardhur nga Lindja e Mesme.

Messit do t’i skadojë kontrata me Paris Saint-Germainin në fund të qershorit dhe do të jetë i lirë ta zgjedh klubin e tij të ardhshëm.

35 vjeçari ka ofertë edhe në Shtetet e Bashkuara të Amerikës nga ekipi Inter Miami.

About Redaksia

Check Also

Darka e fundit e Macron me Mbappe

Emmanuel Macron është një tifoz i madh i futbollit. PSG, skuadra e tij e zemrës, …

Leave a Reply