Basha braktiset nga 17 deputetë të tjerë, Bardhi: Ai punon për Ramën

Deputeti i PD, Gazment Bardhi bëri me dije se 17 anëtarë të grupit parlamentar vendosën mospjesëmarrjen në mbledhjen e nesërme të këshillit.

Por në fjalën e Bardhit u ve re cilësimi që i bëri mbledhjes së kuvendit në kundërshtim me statutin e PD-së së vulës. Bardhi u shpreh se këto veprime që po bëhen nga Basha janë në interes të Ramës dhe jo në interesin e bashkimit të demokratëve.

Në këtë moment PD ka nevojë për maturi, jo konflikt, reflektime jo urrejtje. Ka nevojë për mendimin ndryshe dhe jo përjashtime të reja. Kujt i shërben një tjetër konflikt në PD? Përse sajohen provokime dhe devijime nga statuti që na ndajnë, kur sot duhet të jemi bashkë.

Kujt i intereson kjo ndarje? Di të them me siguri se është e qartë se ky nuk është interesi më i mirë i demokratëve dhe Shqipërisë. Një PD që humbet në debatet e brendshme i intereson vetëm Edi Ramës dhe regjimit të tij.

Gazment Bardhi, tha në një deklaratë për mediat pas mbledhjes së grupit parlamentar, se kryesia e PD po shkel statutin duke cënuar legjitimitetin e mbledhjes së Këshillit Kombëtar.

Ai u shpreh se nisur nga kjo që po ndodh në kryesinë e PD, 17 anëtarë të grupit parlamentar të PD refuzojnë të marrin pjesë në mbledhjen e nesërme të Këshillit Kombëtar.

Tani, Lulzim Basha mbetet vetë i 8 deputet.

Depurtetët që nuk do marrin pjesë në mbledhjen e Këshillit Kombëtar të Alibashës

1. Gazment Bardhi
2. Jorida Tabaku;
3. Dhurata Çupi;
4. Saimir Korreshi;
5. Lefter Geshtenja;
6. Zheni Gjergji;
7. Qani Xhafa;
8. Helidon Bushati;
9. Orjela Nebiaj;
10. Ramadan Likaj;
11. Xhelal Mziut;
12. Flamur Hoxha;
13. Bledion Nallbati;
14. Agron Gjekmarkaj;
15. Ferdinand Xhaferaj;
16. Andia Ulliri;
17. Ilda Dhori.

Ndërkohë edhe deputetë të tjerë të PD kanë deklaruar mospjesëmarrjen. Kanë konfirmuar pjesëmarrjen vetëm një numër i vogël deputetësh.