Gazeta RD
Mourinho u pezullua me katër ndeshje nga UEFA, për shkak të sjelljes jo të përshtatshme ndaj arbitrit Taylor, pas finales së humbur të Europa League ndaj Sevillas. Ky vendim i Komisionit të Etikës dhe Disiplinës në UEFA ka zemëruar trajnerin e Romës, i cili nëpërmjet një e-mail ka shkruar se nuk është më anëtar i Bordit të Futbollit të UEFA-s.
“I dashur Boban, duke ju falënderuar që më keni ftuar të jem anëtar i Bordit të Futbollit, më vjen keq t’ju informoj se do të heq dorë nga pjesëmarrja ime në këtë grup me efekt të menjëhershëm. Kushtet me të cilat besoja shumë kur u bashkova në këtë projekt nuk ekzistojnë më ndaj jam i detyruar ta marr këtë vendim. Ju lus që vendimin tim t’ia komunikoni edhe presidentit Ceferin” – Shkruan Mourinho, në emailin drejtuar numrit një të Bordit të Futbollit, Zvonimir Bobanit.
