Pastrimi i parave, Ola Xama tregon skandalin: 8 miliardë euro u konvertuan në lekë në vitin 2022

Gazetarja e ekonomisë Ola Xama, duke folur në ‘Piranj Cast’ me Florjan Binaj në SYRI TV, ka zbuluar se gjatë vitit 2022 në Shqipëri janë këmbyer 8 miliardë euro, gati sa dyfishi i buxhetit të Shqipërisë që por vitin 2022 ka qenë parashikuar 5.3 miliardë euro.

Sipas Xamës, flukset normale nuk e justifikojnë këtë rritje këmbimi.

‘Pikat e këmbimit valutor janë të përjashtuara nga TVSH, por duhet të lëshojnë kupon tatimor me TVSH zero. Banka të jep mandat arkëtimi, që dihet se është formale, te pikat e këmbimit nuk ndodh. Flukset e konvertimit të euros në vitin 2022 ishin 8 miliardë.

Nga 2016 e deri më tani kemi një rritje konstante, anormale të rritjes së sasisë së eurove të konvertuara në tregun valutor. Nëse i llogarit me flukset normale të rritjes ekonomike, turizmit, etj., mua më ka dalë 900 mln euro, nuk justifikohet me këto flukse’, tha OIa Xama në SYRI TV.