Gazeta RD
Paris Saint-Germaini është i gatshëm të pranojë ofertën rekord prej 300 milionë eurosh të Al-Hilal për Kylian Mbappen.
Eksperti i transferimeve, Fabrizio Romano, raportoi këtë të hënë se klubi saudit ka dorëzuar ofertën e parë zyrtare te PSG-ja në mënyrë që të nisë bisedimet për yllin francez.
Oferta ka vlerën e 300 milionë eurove, që është rekord botëror. Transferimi më i shtrenjtë mbetet ai i Neymarit nga Barcelona te PSG-ja për 222 milionë euro.
“L’Equipe” tani ka raportuar se PSG-ja do të pranojë ofertën, nëse ata arrijnë të bindin Mbappe të bëjë lëvizjen drejt Lindjes së Mesme.
“Le Parisien” raportoi gjatë fundjavës se presidenti i kampionëve francezë, Nasser Al Khelaifi, kontaktoi 24-vjeçarit për ta inkurajuar atë të dëgjonte ofertat këtë verë.
Gjithashtu raportohet se parisienët i kanë dhënë lejen Al-Hilalit që të nisin bisedimet edhe me Mbappen.
Mbetet të shihet në vazhdim se cili do të jetë vendimi i ish-sulmuesit të Monacos.
