Gazeta RD
Shtetet e Bashkuara kanë reaguar të shqetësuar në lidhje me vjedhjen e të dhënave të qytetarëve nga sistemi TIMS. Skema e vjedhjes është denoncuar e plotë në një konferencë shtypi të PD disa ditë më parë ku Sekretari i Përgjithshëm i PD, Noka ka dhëë edhe emrat e atyre që e kanë realizuar këtë vjedhje, por deri tani SPAK ka heshtur.
Në një njoftim zyrtar, thuhet se Ambasada e SHBA ka shprehur shqetësim për këtë çështje në një takim me Taulant Ballën.
“I Ngarkuari me Punë i Ambasadës në Tiranë, H. Martin McDowell u takua sot me Ministrin e Brendshëm Taulant Balla. Ata diskutuan bashkëpunimin SHBA-Shqipëri në fushën e zbatimit të ligjit dhe mbështetjen për një sërë çështjesh të lidhura me sigurinë. I ngarkuari me Punë McDowell vuri në dukje shqetësimet e SHBA në lidhje me ndërhyrjen e raportuar në sistemet TIMS në Policinë e Shtetit. Ai nxiti një hetim të shpejtë dhe të gjithanshëm dhe theksoi rëndësinë që ka mbrojtja e të dhënave vetjake/sensitive, përfshi edhe të qytetarëve amerikanë në Shqipëri. McDowell i tha gjithashtu Ministrit Balla se Shtetet e Bashkuara janë të gatshme ta mbështesin Ministrinë dhe Policinë e Shtetit në hetimin e tyre,” thuhet në njoftim.
