Gazeta RD
Teksa mbahet seanca plenare e Kuvendit, një grup minatorësh po protestojnë para parlamentit. Me pankarta në duar, minatorët kërkojnë që të miratohet statusi i minatorit.
“Po vidhni miliona ndërsa populli ha bukë thatë. Më i larti tensioni sesa pensioni”, shkruhet në disa prej pankartave që protestuasit mbajnë në duar.
Ndërkohë njëri prej minatorëve bëri thirrje se duhet të shikohet pensioni i minatorëve.
“Fëmijët tuaj i çoni nëpër botë. I kërkojmë parlamentit të shikojë pensionin e minatorëve”, tha ai për mediat.
“Statusin e minatorit, mos prisni të na e jepni pas vdekje”, lexohet në një prej pankartave të protestuesve. Ata kanë bllokuar rrugën për deputetët të cilët po hyjnë në Kuvend.
