Gazeta RD
Drejtori i përgjithshëm i policisë së shtetit, Muhamet Rrumbullaku ka shkuar pak më parë në godinën e SPAK. Rrumbullaku është parë nga gazetarët të futet në godinë.
Burime bëjnë me dije se Rrumbullaku ishte në SPAK për çështjen e komunikimeve SKY ECC, të cilat do të jenë një shkak për “tërmet” gjatë ditëve të ardhshme në Policinë e Shtetit.
Kujtojmë se gjatë ditës së sotme dha dorëheqjen edhe Ardi Veliu, i cili ishte kreu i Agjencisë së Mbikëqyrjes Policore, institucioni përgjegjës që të parandalojë bashkëpunimin e Policisë së Shtetit me krimin.
Pak më herët në SPAK shkuan zyrtarë të ambasadës amerikane në Tiranë duke dhënë një mesazh mbështetjeje për prokurorët e SPAK që janë kërcënuar edhe publikisht gjatë ditëve të fundit.
