Gazeta RD
Për këdo që shprehet fuqimisht se Reforma në Drejtësi po sjell një përmirësim të ndjeshëm në sistemin gjyqësor shqiptar, Raporti i “Projektit Botëror të Drejtësisë” (World Justice Project) është një grusht i fortë.
Ky raport e rendit Shqipërinë në vendin e 91 në botë, duke shënuar një rënie prej 4 vendesh krahasuar me një vit më parë.
Në foto: Shqipëria renditet në vendin e 91 në Indeksin Global të Drejtësisë për vitin 2023
Ndërkohë, të dhënat ndër vite të këtij indeksi tregojnë se, në vitin 2017, pikërisht në kohën kur sistemi i drejtësisë anatemohej nga të gjitha anët, Shqipëria renditej në një pozicion shumë më të lartë se aktuali, e konkretisht në vendin e 68.
Pra, qartësisht, me zbatimin e Reformës në Drejtësi, e cila u ndërtua për të rritur cilësinë e drejtësisë në vendin tonë, të dhënat globale tregojnë për një regres skandaloz, duke e zbritur Shqipërinë nga vendi i 68 në vendin e 91, duke shënuar një rënie prej plot 23 vendesh.
