Gazeta RD
Kryetari i PD, Sali Berisha tha se, ish-oficeri i sigurimit famëzi të shtetit, Arben Kraja bënte sikur po hetonte djegësin e Tiranës, por e bllokoi, e mbyti. Berisha tha se, kishte dy familjarë, nip e mbesë në bashkinë e Tiranës, në pozicione shumë të rëndësishme dhe deklaronte se në hetim nuk jam në konflikt interesi.
“SKAP është një organizatë kriminale që falsifikon dokumente, manipulon dokumente, fsheh dokumente. Nëse merr procedimet e deritanishme…
E liruan apo akoma ky Bllako? Alqi Bllako ka qenë Sekretar i Përgjithshëm i të gjithë koncesioneve të djegësave. Nuk ka ligj në botë që nuk e mbante atë të paktën 25 vite për dëmin që ka bërë. Për dëmin që ka bërë. Por ai ka qenë një njeri që ka zbatuar porositë e eprorëve.
Madje Lefterin e dënuan më shumë, se Lefterin e ka tërhequr më shumë Alqi se të tjerët në lakmi. Po njeriu, në kuptimin ligjor më direkt se të gjithë të tjerët, se ai ka pasur në mbikëqyrje, në mos i ka organizuar vetë, komisionet e prokurimeve.
Ju e morët vesh që deri para dy ditësh, djegësin e Tiranës, bënte sikur e hetonte ish-oficeri i sigurimit famëzi të shtetit, Arben Kraja.
Kishte dy familjarë, nip e mbesë në bashkinë e Tiranës, në pozicione shumë të rëndësishme. Dhe deklaronte se në hetim, nuk jam në konflikt interesi. Si nuk je në konflikt interesi aty? Çfarë do të thotë kjo? Prandaj edhe hetimi u sofokua, u mbyt”, tha Berisha.
