Gazeta RD
Sipas tabelave që shoqërojnë projektbuxhetin 2024, ndërtimi i Portit të Ri në Porto Romano do të kushtojë 43 miliardë lekë (410) milionë euro dhe financimi do të sigurohet nga buxheti i shtetit kryesisht me financim të huaj.
Vitin që vjen janë programuar të alokohen rreth 8,6 miliardë lekë ose rreth 82 milionë euro. Në vitin 2025 janë planifikuar edhe 13 miliardë lekë dhe po 13 miliardë lekë edhe në vitin 2026 ku pritet të përfundojë porti i ri.
Ndërtimi i këtij objekti ishte diskutuar me pare, si një formë financimi me koncesion ose bashkëpunim shtet-privat PPP, por qeveria ka vendosur ta financojë nga buxheti.
