Alizoti: Dilni dhe protestoni, Shqipëria është kthyer në një grup banditësh!

Deputeti i Partisë Demokratike, Tomorr Alizoti u ka bërë thirrje të gjithë qytetarëve të Tiranës dhe Shqipërisë që të dalin në rrugë dhe të mbroj paratë e tyre që po vidhen hapur nga pushteti.

Alizoti është shprehur se njeriu më i dëmshëm në këtë moment është ai që hesht.

“Ju lutem qytetarëve të Tiranës, mos e humbni këtë moment se është një vjedhje e madhe. Ai ka vrarë dhe një djalë të ri, i cili mblidhte kanaçe për të ndihmuar familjen e tij.

Ato që vidhen janë paratë tuaja, shpresa juaj.

Bashkëpunëtori më i madh i autokratëve dhe hajdutëve është heshtja, prandaj mos heshtni më. Ju që jeni besimtarë të muajit të madhërishëm të Ramazanit, mos heshtni më, dilni për hir të Zotit, mos lëni më të vidheni.

Shqipëria është kthyer në një grup banditësh që kanë shtëpi në Vjenë dhe Majemi dhe kanë miliarda, kurse ju nuk ushqeheni dot. Ky popull po shkatërrohet, njerëz që nuk janë askushi, zotërojnë gjithçka në Shqipëri.

Ju lutem me zemër në dorë, shpëtoni veten dhe fëmijët tuaj, njeriu më i dëmshëm në këtë moment është ai që hesht, dilni në rrugë dhe mbroni jetën tuaj”, tha Alizoti.

About Redaksia

Check Also

Proçedohet penalisht Tom Doshi