Berisha: Veliaj me ato që di e bën Ramën të kapërdijë çdo fjalë, të lëpijë çdo presje!

Kryetari i PD, Sali Berisha ka komentuar edhe reagimin e kryeministrit Edi Rama pas konferencës së kryebashkiakut Erion Veliaj, në lidhje me vjedhjen më skandaloze të ndodhur në këto 33 vjet demokraci në Shqipëri. Berisha tha se, ato që din Erioni e bën Edvinin të paloset brenda gjysëm ore, të kapërdijë çdo fjalë të Erionit, të lëpijë çdo presje të tij.

“Miqtë e mi!

Lidhjet e krimit janë lidhjet më të tmerrshme të njeriut dhe ju e patë dje se si brenda gjysëm ore, njeriu që u kap në flagrancë me modelin e vjedhjeve 100% të parave publike, e palosi, e shakulloi, atë që quhet kryetar i organizatës kriminale të qeverisë shqiptare, Edi Ramën.

Edi Rama reagoi dhe ju përgjigj kërcënimeve të njeriut përgjegjës për zhdukjen e 100% të fondeve të inceneratorit të Tiranës.

130 mln euro dhe që nuk ka as nam as nishan të atij inceneratori, u detyrua të përulet, vetëposhtërohet, të ngrejë çarçafin e bardhë, të kapitullojë dhe ti thotë se unë aprovoj çdo fjalë dhe presje të asaj që the”, tha Berisha.

About Redaksia

Check Also

Proçedohet penalisht Tom Doshi