Kalaja: Ky rrethim tregoi frikën e Veliajt deri në palcë! Do të shkosh pas hekurave!

Përfaqësuesja e Aleancës për Mbrojtjen e Teatrit, avokatja Adriana Kalaja tha gjatë fjalës së saj se, ky rrethim tregon frikën e tij deri në palcë!

“Ajo që po ndodh në bashkinë e Tiranës së pari është shuplaka më e madhe që i bëhet SPAK-ut, sistemit të drejtësisë të reformuar nga komunistët, pasardhësit e etërve të tyre.

Është evidente, sot ligjërisht, Erion Veliaj duhet të ishte as hekurave sepse e pamë të gjithë që nga dita që është futur në zyrë, që nga dita që kur filloi përdhosë zyrën e shtetit, të lyejë me gjak, me djersën e shqiptarëve, me taksat e qytetarëve të Tiranës, këto zyra sepse ne e pamë kur vrau Ardit Gjoklaj; ne e pamë kur nxori fëmijët me gaz lotsjellës tek Astiri, në Shkozë, në Bregun e Lumit. Ne e pamë kur prishi Teatrin në katër të mëngjesit, ne e pamë kur bëri aferat te 5 Maji dhe i nxori familjet me gaz lotsjellës. Kjo është pjesa ligjore.

Por edhe moralisht ai nuk mund të rrijë më në krye të bashkisë sepse e gjithë Shqipëria, e gjithë Tirana e ka parë këtë bandit se si sillet me qytetarin e Shqipërisë. Aty mbrapa ka qënë Zyra e Informacionit. Ai ka paranoja. Edhe Zyrën e Informacionit e ka hequr nga bashkia. Shikoni rrethimin.

Ajo që ne shohim sot, shohim frikë e tij deri në palcë. Fletëarresti të është prerë Erion Veliaj. Ti nuk i shmangesh dot as me Xhorxh Sorrosin! Unë ta kam thënë më 17 maj e po ta them sot këtu: një javë jetë të më mbetet, unë do të merrem me ty derisa të të çoj pas hekurave!”, tha Kalaja.

About Redaksia

Check Also

Meta: Dumani në shërbim skllavërues ndaj Ramës!

Presidenti i PL-së, Ilir Meta ka akuzuar drejtuesin e SPAK, Altin Dumani dhe prokurorët e …