Monolog me një lëpirës!

Nga Sali BERISHA

Të dashur miq, për të paraqitur para shqiptarëve vizitën e tij në Elizee, Edi Rama zgjodhi:

Së pari t’a gëzojë atë duke mashtruar shqiptarët se kjo ishte e para vizitë ne Elizee në historinë e shtetit shqiptar paçka se para tij madje edhe në kohën kur ai shiste buzë Sene ikona të vjedhura, jo një, por disa nga parardhesit e tij janë pritur me protokoll madje edhe dy herë dhe më shumë në Pallatin e Presidencës Franceze.

Së dyti Rama ftoi në një monolog të neveritshëm e të papërsëritshëm në 32 vite të vetëglorifikimit dhe lyerje dhe lëpirje Ballën e tij.

Me sinqeritet nuk e kisha ndjekur këtë paranojë vetëlavdëruese që dëshmonte qartë se Edi Rama nuk di edhe pas 10 vitesh se ç’është protokolli, ç’është axhenda e bisedimit, gjeopolitika etj., por që ruan të freskët, të përflaktë në memorje modulin e vetëlavdrimit deri në neveri të atit të tij shpirtëror Enver Hoxha. Për sa më sipër ju ftoj sipas dëshirës që të lexoni këtë artikull të lapsi.al kushtuar këtij monologu dhe ju siguroj se do ju duken recitimet e Spiropalit lule.

——

Deliri/ Rama, ish emigranti që e ktheu Shqipërinë në fanar ndriçues

Kush e ka kujtesën të fortë i mban mend talljet dhe ironitë e Ramës për krahasimin që Berisha i bënte Shqipërisë me Gjermaninë, lidhur me përballimin e krizës ekonomike të 2008, pa rënë në recesion. Por sot, pas 11 vitesh qëndrimi në pushtet, gjërat kanë ndryshuar radikalisht. Edi Rama e konsideron vendin e drejtuar prej tij si një ‘fanar ndriçues”, sipas mendësisë të një udhëheqësi edhe më të largët sesa Saliu.

Kjo u pa në mënyrë ulëritëse, në intervistën që kryeministri dha nga Parisi për Real Story me Sokol Ballën. Nën euforinë e vizitës zyrtare në kryeqytetin francez dhe pritjes nga presidenti Makron, Edi Rama nuk i vuri dot fre deleirit. Ai i dha fre fantazisë në një rrëfim që Lapsi.al e ka parë me lupë për të dalluar se deri ku mund të shkojë sindroma e narcizizmit.

Pa pikë droje ai e paraqiti veten si dikë të cilit i marrin mendim dhe e konsultojnë liderët më të mëdhenj botërorë. “Unë nuk dua të flas fare për veten dhe këtu çështja nuk është tek unë……por ne dëgjohemi, ne konsultohemi, pra fuqitë e mëdha na pyesin, liderët e fuqive të mëdha na konsultojnë, na kërkojnë mendim rregullisht se si i shohim ne gjërat, në rajon sidomos…” (min 21 05 te linku i intervistes lart), tha ai.

I gjithë bashkëbisedimi ishte i ndërtuar mbi fabulën e personazhit të akuzuar nga Nano si “refugjati thonj paprerë që flinte poshtë urave të Parisit”, por që kur i’u dha rasti të bëhej udhëheqës u “hakmorr” përmes politikës së tij të jashtme për ti kthyer dinjitetin qytetarëve të vendit të vet.

Rama e mohoi se ka fjetur poshtë urave, pasi ai ka qenë një emigrant me shtëpi, më bursë dhe dokumenta të rregullta, por ai pohoi se është ndeshur jashtë me shumë keqtrajtime të shqiptarëve. “Edhe jeta si emigrant…..edhe ato që kam parë si mbajtës i një pashaporte shqiptare me kanë ngjizur një ndjenjë hakmarrjeje që më ka ushqyer vazhdimisht pasionin edhe qasjen ndaj politikës së jashtme, për ta kthyer përmbys perceptimin e europianëve ndaj nesh…E kam marrë shumë personale këtë sfidë” (min 10 34), tha ai.

Dhe sot, pas një dekade në pushtet sipas Ramës ai po e sheh të realizuar këtë ëndër: “Pozicionimi ndërkombetar i Shqipërisë është si kurrë më parë ndonjeherë në historinë tonë, respekti për Shqipërinë, gjithashtu është në nivelet më të larta politike, por jo vetëm” (min 10 10).

I ndihmuar në këtë delir edhe nga bashkëbiseduesi Balla që u kujdes të thotë se ‘një pritje e tillë i’u rezervua edhe Vuçiçit, por për këtë presidenti serb u detyrua të shpenzojë 4 miliardë euro për blerje avionësh, ndërsa kryeministri i Shqipërisë u prit po njësoj por duke marrë edhe 120 milionë euro mbrapsht”, Rama nënvizoi se “sot Shqipëria ndodhet në tjetër nivel”.

Dhe ky ndryshim niveli sipas tij ka ndodhur në periudhën e rilindjes sepse më parë, paraardhësin e tij nuk e priste njeri dhe se kur mori ai kryesimin e qeverisë: “Të ishte kryeministër i Shqipërisë në ato fillime, ishte pothuajse si të ishe qytetar i Shqipërisë nëpër areoporte”.

Duke e flakur tej modestinë kryeministri ynë theksoi se pritja e presidentit Makron nuk do të ishte kjo e tanishmja nëse ai nuk do ia kishte dalë në misionin e tij për të ndryshuar imazhin e Shqipërisë tek francezët. Ai nuk harroi të përmendë edhe një tjetër mrekulli diplomatike mardhënien e tij speciale me kryeministren italiane Meloni, të cilën një pjesë e evropës e shikonin si “djallin e zi që po shkonte drejt pushtetit. Por me “një parti që ne s’kishim asnjë marëdhënie sot kemi mardhenien më të mirë që kemi pasur ndonjëherë dhe mardhenia ime me Melonin është e shkëlqyer”(min 32 04).

Dhe si për ti vënë pikën kësaj ligjërate të tipit “a doni më për Belulin” Rama u shpreh i shqetësuar se mos vallë ky imazh i mrekullueshmë i vendit mos riprishet kur ai mos jetë më në pushtet. “Kam një merak që ky rol i Shqipërisë në arenën ndërkombëtare mos lidhet vetëm me qëndrimin tim në detyrë dhe të zhbëhet më pas” (min 30 14).

Këtë sukses ai e e sheh tek qëndrimi i medive të huaja, të ardhja e turistëve dhe tek roli që Shqqipëria ka pasur në drejtimin e këshillit të sigurimit, të OKB-së, apo OSBE-së.

Kush ka qeshur disa kohë më parë teksa e dëgjonte Elisa Spiropalin të thoshte në fjalim gjatë një kongresi partie, se Shqipëria po mbushet me turistë falë qëndrimit dinjotoz që Edi Rama mbajti përballë ambasadorit rus në Kombet e Bashkuara, me siguri që ka gabuar para kohe. Adhuruesja e Skënderbeut nuk ka bërë një lajthitje personale, si pasojë e një eksesi dashurie. Tani teza e “fanarit ndriçues” është një politikë zyrtare. Nga Parisi e shpalli vetë udhëheqësi me gojën e tij.

Lapsi.al

About Redaksia

Check Also

Flamuri erdhi në shtëpinë e tij, por kohën nuk ta kthen askush!

Fjoralba DIZDARI Lajm i shumëpritur jo vetëm për demokratët, por për demokracinë në Shqipëri, për …