Partia e Lirisë në kurthet e Sigurimit të Shtetit, sot SPAK

“RD”

Nuk është hera e parë që mes Metës dhe Kryemadhit ka debate politike. Kur Kryemadhi zëvëndësoi Metën në krye të LSI, ajo shpesh herë shigjetonte Metën për marrëveshjet e gabuara që kishte bërë me Ramën gjatë kohës që bëri koalicion me të.

Tani është Meta që shigeton Kryemadhin për djegien e mandateve të deputetëve gjatë kohës që ajo drejtonte LSI.

E parë nga larg emocioneve politike të tyre si dhe larg në kohë, si Kryemadhi ka pasur të drejtë ndaj Metës atëhere, edhe Meta ka të drejtë tani me gabimin e djegies së mandateve, por tani nuk është koha për të gjykuar njëri-tjetrin dhe gabimet politike strategike mes tyre, por është koha për një opozitë të fortë dhe të bashkuar.

Rama po ndjek një skenar të ngjashëm me Sigurimin e Shtetit ndaj familjarëve të drejtuesve të opozitës, vetëm se kësaj here duke keqpërdorur SPAK për t’i bërë presion këtyre familjarëve dhe për t’i ndërsyer kundër njëri-tjetrit. Dhe për këtë mjafton të konstatoni se hetimet nga SPAK ndaj këtyre drejtuesve shtrihen deri tek fëmijët e tyre, dhe madje edhe përgjatë kohës që ata nuk kishin lindur akoma.

Pra, janë të njëjtat skema të Sigurimit famëkeq të Shtetit, që sot po përdoren nga i keqpërdoruri SPAK.

Partia e Lirisë dhe drejtuesit e saj duhet të kuptojnë se nuk duhet të bien pre e këtyre lojrave të pista të regjimit dhe duhet të ngihen përtej këtyre skenarëve në një riorganizim të fortë në funksion të opozitarizmit.

About Krye Redaktor

Check Also

Hysaj fajësohet për golin e dytë të Italisë, uli kokën dhe lejoi rrjetën

Një video nga momenti kur Italia shënoi golin e fitores me Shqipërinë është bërë virale …