Vrasja e dy të moshuarve në Dropull, alarm për sigurinë në vend! Policia mashë e pushtetit që mbron trafikantët

DEKLARATA E KOORDINATORIT RAJONAL TË PD PËR TIRANËN, KLEVIS BALLIU

Dy të moshuar janë vrarë në shtëpinë e tyre në Dropull një nga zonat më të qeta, më joproblematike për sigurinë dhe rendin në Shqipëri.

Duke u shprehur ngushëllime familjarëve dhe të afërmve, Partia Demokratike ngre alarmin për gjendjen e rendit dhe të sigurisë në vend.

Policia e Shtetit, e kthyer në mashë pushteti, nuk e kontrollon territorin për dy arsye:

Ajo angazhohet nga ministri i saj kumbar i bandave në përndjekjen dhe monitorimin e protestave dhe aktiviteteve të opozitës, dhe pjesën tjetër të kohës mbron krerët e bandave dhe kriminelët, teksa transportojnë drogë, kontrabandojnë mallra dhe bëjnë trafik qeniesh njerëzore.

Është një polici që grupet e gatshme anti-krim dhe për sigurinë e qytetarëve i ka vënë në dispozicion të krimit dhe politikës që e mbron këtë krim dhe përfiton nga paktet me të.

Vrasja e dy të moshuarve në Dropull, përtej humbjes së dy jetëve është alarm për komandën e bandave përgjatë gjithë shtrirjes gjeografike të Shqipërisë.

Nga Vermoshi në Dropull, stacionet e Policisë janë shndërruar në rojtare të parcelave me kanabis, ngarkesave me kokainë, pastrimit të parave, trafikut të qenieve njerëzore, prostitucionit, e me radhë.

Partia Demokratike bën një dallim mes policëve të ndershëm dhe të shiturve te krimi, por përgjegjësi i vërtetë në këtë dramë që luhet në kurriz të shqiptarëve nuk janë asnjëra palë, por ministri i bandave dhe shefi i tij që e ka kthyer Shqipërinë në republikë të narkotrafikut dhe të pasigurisë.

I bëjmë thirrje policisë të të largohet nga mbrojtja e hajdutëve në bashki dhe trafikantëve në qeveri dhe t’i kthehet detyrës, mbrojtjes së qytetarit.

I bëjmë thirrje policëve të ndershëm që të martën t’u kthejnë shpinën atyre që i paguajnë me 500 euro në muaj dhe për vete zhvasin miliona, dhe të bëhen me protestuesit.

About Redaksia

Check Also

Meta: Dumani në shërbim skllavërues ndaj Ramës!

Presidenti i PL-së, Ilir Meta ka akuzuar drejtuesin e SPAK, Altin Dumani dhe prokurorët e …