CREATOR: gd-jpeg v1.0 (using IJG JPEG v80), quality = 85

Berisha: Greqia është djepi i demokracisë, kurse këtu arrestohen drejtuesit e opozitës!

Lideri i opozitës, Sali Berisha gjatë fjalës së tij, i ka kujtuar Edi Ramës se po shkon në vendin e djepit të demokracisë, ndërsa ai vetë ka arrestuar drejtuesit e opozitës, vetëm e vetëm se i kanë lëkundur karrigen e pushtetit.

Edi Rama, hiq dorë, mos provoko diasporën sepse atje ku janë, jetojnë në një vend të lirë.

Vullneti shndërrohet në votë dhe vota në pushtet, në liri, në të drejta.

Kurse këtu krimi shndërrohet në votë dhe vota në krim, në pushtet krimi.

Këtu arrestohen drejtuesit e opozitës pa asnjë fakt, pa asnjë dokument, vetëm se të lëkundin ty karrigen e pushtetit dhe nuk do fitosh kurrë.

Këtu arrestohen qeveritarë vendorë sepse bënë pluhur ëndrrat e tua për parajsën tënde familjare, qeveritare në brigjet e Himarës.

Si mund të shkosh ti në Greqi, në djepin e demokracisë, kur je vendi i vetëm sot, përveç diktaturave të egra, që nuk njeh prezumimin e pafajësisë?

Edi Rama, në këtë udhëtim ti shkon si turpi i Shqipërisë.

Si turpi i shqiptarëve.

Si turpi i Europës.

Si faqja e zezë e demokracisë!

Miqtë e mi, a mund të shkojë diasporën njeriu që me varfërim të tmerrshëm përmes vjedhjeve, i zboi shqiptarët nga Shqipëria?

Në vitin 2013, Shqipëria rritej çdo vit në popullsi.

Shqiptarët kishin rrogat më të larta në rajon.

Rreth 180 mijë shqiptarë u kthyen nga emigracioni për të ndërtuar këtu folenë e të ardhmes së tyre në vendin e tyre.

Kurse ti me vjedhjet si i pangopur, me vjedhjet 100 përqind, me inceneratorin, me sterilizatorët, me Porton Romanon, me Portin e Durrësit, me 6 milionë metër katrorë me trafikantët e tu, i varfërove shqiptarët nga viti në vit dhe i vidhise ata përsëri në honet e varfërisë.

Detyrove fëmijët e tyre të marrin rrugët e dheut për fatin e tyre.

Nuk ke të drejtë të takosh ti diasporën.

Ti je një Makbeth i vërtetë i kombit shqiptar”, tha Berisha.

About Redaksia

Check Also

Meta: Dumani në shërbim skllavërues ndaj Ramës!

Presidenti i PL-së, Ilir Meta ka akuzuar drejtuesin e SPAK, Altin Dumani dhe prokurorët e …